Kodi etik për ministrat, biznesi: Ndryshime estetike, dialogu me shtetin i largët

Përditësuar më: 3/5/2022, ora 15:14

Kodi etik për ministrat, biznesi: Ndryshime estetike, dialogu me shtetin i largët

Përditësuar më: 3/5/2022, ora 15:14

Sipërmarrja i sheh si ndryshime estetike, ato në Kodin e Etikës për Ministrat, që përcakton se nuk mund të ketë takime me biznesmenë pa praninë e të paktën dy zyrtarëve të lartë. Në praktikë, në marrëdhënien midis qeverisë dhe biznesit nuk ndryshon asgjë sipas sekretarit të përgjithshëm të shoqatës Bashkimi i Prodhuesve, Arben Shkodra.

Biznesi kërkon prej vitesh ndryshime përmbajtësore në dialogun shtet-privat, në mënyrë që qeveria të mos marrë vendime që prekin sipërmarrjen pa u konsultuar për efektet.

Sipas burimeve nga qeveria për A2 CNN, ndryshimet në kodin Etik u ndërmorën kryesisht për të ndryshuar perceptimin publik, duke treguar se nuk abuzohet me detyrën. Por sipas biznesit, nëse institucionet kryejnë detyrën e tyre për të kontrolluar dhe hetuar pasurinë e pajustifikuar të zyrtarëve, nuk ka asnjë nevojë për ndryshime të tilla PR-i.