Rama: Shqipëria do të japë kontributin e saj në Konferencën e Donatorëve për Ukrainën

Përditësuar më: 3/5/2022, ora 13:24
3 MAJ 2022 PARLAMENT 2 frame 20977 1280x720

Rama: Shqipëria do të japë kontributin e saj në Konferencën e Donatorëve për Ukrainën

Përditësuar më: 3/5/2022, ora 13:24

Pas fjalës së presidentit ukrainas Zelenky në parlamentin e Shqipërisë reagoi dhe kryeministri Edi Rama.

Kreu i qeverisë premtoi se Shqipëria do të japë kontributin e saj në Konferencën e Donatorëve për Ukrainën që do të mbahet më 5 maj.

“Qysh prej orës së parë të agresionit mbi Ukrainë, jo vetëm ne, por e gjithë Shqipëria jemi rreshtuar krah jush me zemër mendje dhe çdo gjë kemi mundur. Ne jemi një vend i vogël dhe mundësitë tona për t’iu ardhur në ndihmë janë modeste. Shqipëria mund të jetë e vlefshme për Ukrainën qoftë në tryezën e NATO apo dhe në atë të Këshillit të Sigurisë. Më 5 maj do të jemi të pranishëm në Konferencën e Donatorëve ku do të japim kontributin tonë modest. Qëndresa juaj dhe pamjet e kësaj tragjedie janë sakrifica ekstreme të një populli liridashës, por dhe një shërbim që po i bëni botës së përgjumur demokratike”, tha Rama.