Rusia: Izraeli mbështet neonazistët

Përditësuar më: 3/5/2022, ora 14:30
https   d1e00ek4ebabms.cloudfront.net production 7821e161 f641 407d 86f0 4afafd5f10eb 1280x720

Rusia: Izraeli mbështet neonazistët

Përditësuar më: 3/5/2022, ora 14:30

Rusia akuzon Izraelin se po mbështet regjimin neonazist të Kievit, duke përshkallëzuar tensionet mes dy shteteve pas debatit të nisur dy ditë më parë ku u përfshinë tema si Adolf Hitler dhe antisemitizmi.

Izraeli ka votuar në OKB për të dënuar pushtimin e Ukrainës dhe ministri i Jashtëm Yair Lapid e ka akuzuar Rusinë për krime lufte, por shteti hebre nuk kja miratuar të gjitha sanksionet e Perëndimit dhe nuk ka furnizuar Ukrainën me armë. Nga ana tjetër, kryeministri Naftali Bennett është përpjekur të luajë rol negociatori mes Rusisë dhe Ukrainës.

Pasi Izraeli iu kundërpërgjigj deklaratave të ministrit të Jashtëm rus, Sergei Lavrov, i cili tha se Hitleri kishte gjak hebre, institucioni i drejtuar prej tij ndezi edhe më tej debatin. “Kemi dëgjuar me vëmendje deklaratat antihistorike të Yair Lapid, që shpjegojnë gjerësisht pse qeveria aktuale në Izrael ka vendosur të mbështesë regjimin neonazist në Kiev”.