Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

14 raste të reja me koronavirus, 6 persona të shtruar në spital

Nga A2 CNN
3 Maj 2022, 16:30 | Aktualitet
14 raste të reja me koronavirus, 6 persona të shtruar në spital

Ministria e Shëndetësisë bën me dije se 14 persona të tjerë kanë rezultuar të infektuar me koronavirus në 24 orët e fundit, nga 502 testime të kryera.

Fatmirësisht, gjatë ditës që lamë pas nuk ka pasur asnjë humbje jetë si pasojë e virusit.

Ministria njofton se kanë nevojë për trajtim spitalor 6 pacientë.

Njoftim i Ministrisë së Shëndetësisë:

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Çdo qytetar mbi 12 vjeç, mund të vaksinohet në qendrat shëndetësore.
MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.
Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anticovid, sipas rekomandimit të mjekut të familjes.
Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 502 testime, nga të cilat kanë rezultuar pozitivë me COVID19, 14 qytetarë, në këto bashki:
11 në Tiranë, nga 1 qytetar nw Fier, Patos, Gramsh.
Janë 356 pacientë aktivë me COVID-19 në të gjithë vendin.
Aktualisht në spitalin COVID3 po marrin trajtim 6 pacientë. Në 24 orët e fundit nuk ka asnjë humbje jete me Sars-Cov2.
Janë shëruar 33 qytetarë gjatë 24 orëve të fundit, duke e çuar numrin e të shëruarve në 271,339 që nga fillimi i epidemisë.

Statistika (03 Maj 2022)

Raste të reja ditore 14
Të shëruar në 24 orë 33
Të shtruar në spitale 6
Humbje jete në 24 orë 0
Testime ditore 502

Testime totale 1,808,310
Raste pozitive 275,191
Raste të shëruara 271,339
Raste Aktive 356
Humbje jete 3,496

Shpërndarja gjeografike e rasteve aktive sipas qarqeve:

Tiranë 228
Fier 43
Vlorë 30
Gjirokastër 13
Shkodër 9
Elbasan 9
Korçë 8
Durrës 7
Berat 3
Kukës 3
Lezhë 3.

A2 CNN Livestream

Ditari nga Bruna Çifligu