Gjuha Shqipe futet si lëndë me zgjedhje në universitetin e Harvardit në SHBA

Përditësuar më: 10/5/2022, ora 11:12
harvard gjuha shqipe 1280x720

Gjuha Shqipe futet si lëndë me zgjedhje në universitetin e Harvardit në SHBA

Përditësuar më: 10/5/2022, ora 11:12

Gjuha shqipe është futur për herë të parë si lëndë me zgjedhje në Universitetin e Harvardit, për të gjithë studentët e të gjitha niveleve. Lajmin e mirë e ka bërë të ditur në rrjetet sociale Faton Limani, i cili punon si administrator departamenti në këtë universitet.

Sipas tij, lënda e gjuhës shqipe do të ofrohet gjatë tërë vitit në tri nivele, njohuri fillestare (elementary), njohuri bazike (intermediary) dhe niveli i avancuar (advanced) në Departamentin e Letërsisë Krahasuese.

“Sot kam kënaqësinë të ndaj me ju një lajm shumë të gëzueshëm sa i përket gjuhës sonë shqipe. Në bashkëpunim me bashkëkombasen dhe kolegen Eva Stathi – Misho kemi arritur që të fusim lëndën e gjuhës shqipe si lëndë zgjedhore për herë të parë në Universitetin e Harvardit për të gjithë studentët e të gjitha niveleve. Lënda e gjuhës shqipe do të ofrohet gjatë tërë vitit në tre nivele – njohuri fillestare (elementary), njohuri bazike (intermediary) dhe niveli i avancuar (advanced) në Departamentin e Letërsisë Krahasuese”, shkruan Limani.