Po hetohet në Holandë për trafik droge, i konfiskohen pasuritë në Shqipëri

Përditësuar më: 11/5/2022, ora 15:19
spak lefter koka masa e sigurise  1280x720

Po hetohet në Holandë për trafik droge, i konfiskohen pasuritë në Shqipëri

Përditësuar më: 11/5/2022, ora 15:19

Gjykata e Posaçme e Apelit ka vendosur konfiskimin e 9 pasurive të Dedë Pjetrit dhe familjarëve të tij. Pjetri është person ndaj të cilit po kryhen hetime nga autoritetet holandeze, pasi dyshohet se është i përfshirë në aktivitet kriminal.

Në 2020, Prokuroria e Amsterdamit kishte dërguar letërporosi në Shqipëri për informacion ndaj Pjetrit dhe disa të tjerëve. Në Holandë janë duke u hetuar shtetasit shqiptarë Ilirjan Memia, Valentin Selaj, Florenc Guri, Erion Koleci, Ded Pjetri dhe Jorgo Ëajtaszczyk për veprat penale të “Trafikimit të narkotikëve”, “Pjesmarrje në organizatë kriminale” dhe “Pastrimit të produkteve të veprimtarisë kriminale”, parashikuar nga legjislacioni Hollandez dhe njëkohësisht nga nenet 283/a, 333/a dhe 287 të Kodit tonë Penal.

“Një pjesë të pasurive të fituara si rrjedhojë e aktivitetit kriminal dyshohet se këta shtetas i kanë transferuar në Shqipëri duke kryer investime të ndryshme. Sipas letërporosisë nga hetimet e kryera në Hollandë ka rezultuar se shtetasit Ilirjan Memia, Valentin Selaj, Florenc Guri, Erion Koleci, Dedë Pjetri dhe Jorgo Ëajtaszczyk prej disa viteve kanë aktivitet kriminal në fushën e trafikimit të lëndëve narkotike të llojit kokainë duke e trafikuar atë nga vendet e Amerikës Latine për në portin e Amsterdamit dhe me pas në vendet e tjera të Evropës si Angli, Itali etj. Gjatë këtyre hetimeve, këtyre shtetasve u janë sekuestruar sasia prej 97 kg lëndë narkotike e llojit kokainë dhe 16 kg heroinë”, thuhej në njoftimin e 2020 nga SPAK.