Centralizimi i ujësjellësve, formula e qeverisë: 51% e aksioneve i merr AKUM, bashkitë mbajnë 49%

Përditësuar më: 12/5/2022, ora 17:14

Centralizimi i ujësjellësve, formula e qeverisë: 51% e aksioneve i merr AKUM, bashkitë mbajnë 49%

Përditësuar më: 12/5/2022, ora 17:14

Qeveria do të marrë nën kontroll paketën dërrmuese të aksioneve të 15 ujësjellësve, që ndodhen tashmë në proces falimenti.

Formula e menaxhimit të këtyre ndërmarrjeve, pas vendimit të fundit të Këshillit të Ministrave parashikon që 51% e aksioneve të kalojnë në varësi të AKUM-it dhe 49% e aksioneve iu mbeten bashkive. Për ekspertin e pushtetit vendor, Agron Haxhimali as kjo ndërhyrje në menaxhim nuk i shpëton këta ujësjellës nga kriza financiare.

Haxhimali parashikon një rritje të çmimit të ujit të pijshëm, si e vetmja mënyrë për të mbuluar problemet financiare të këtyre ndërmarrjeve dhe realizimin e investimeve të munguara në rrjetin e ujësjellës-kanalizimeve.

Pak ditë më parë edhe Enti Rregullator I Ujit ka hartuar një metodologji për rritjen e tarifimit të ujit. Ende në vendin tonë shqetësim mbetet furnizimi me fasha orare të ujit 6-12 orë në ditë dhe cilësia e ujit që edhe pse në vitin 2022 nuk mund të konsumohet direkt nga çezma.