Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Koronavirusi pushton Korenë e Veriut, mjekët sugjerojnë kurën e çuditshme

Nga A2 CNN
15 Maj 2022, 15:26 | Bota
Koronavirusi pushton Korenë e Veriut, mjekët sugjerojnë

Koreja e Veriut në alarm nga pandemia koronavirus. Vendi komunist raportoi një total prej 42 viktimash nga Covid-19, teksa ka hyrë në ditën e katërt të izolimit kombëtar.

Pranimi i valës shpërthyese nga Koreja e Veriut ka ngritur shqetësime se virusi mund të ketë një ndikim shkatërrues.

Vendi i izoluar nga bota ka një sistem shëndetësor me burime të pamjaftueshme, aftësi të kufizuara testimi dhe asnjë program vaksinash. Nuk ka asnjë shenjë se diktatori Kim Jong-un po lëviz për të pranuar ofertat ndërkombëtare të vaksinave.

Media publike e Koresë komuniste publikoi pamjet e disa pacientëve që trajtoheshin, ndërsa një mjek sugjeron që të infektuarit të trajtohen duke pirë ujë të kripur. Diktatori Kim Jong-un theu rregullat e izolimit kombëtar duke marrë pjesë në funeralin e një zyrtari të lartë të shtetit, por duke mbajtur maskën.

Deri pak ditë më parë, ai pretendonte se Koreja e Veriut nuk ka pasur asnjë rast me Covid-19, ndërsa raportimi i fundit është për mbi 290 mijë raste të dyshuara.

A2 CNN Livestream

Dita jonë