Ardian Bardhi gati të rikthehet te Teuta. Sipas burimeve të A2 CNN, biznesmeni i njohur po mendon seriozisht kalimin te Djemtë e Detit vetëm një vit pasi i shpalli Kampion Shqipërie në sezonin 2020-2021.
Këtë edicion Bardhi ndërmori një projekt të ri për ringritjen e Dinamos, mirëpo nuk rezultoi aq efikas pasi pavarësisht blerjeve të lojtarëve me emër dhe cilësor nuk arriti objektivin, mbijetesën.
Për këtë arsye, në Durrës po mendojnë që tani për rikthimin e tij ku së bashku me presidentin Edmond Hasanbelliu mund të formonin sërish dyshen e fortë për të shpallur Teutën kampione vendi. Bisedimet kanë avancuar, ndërsa tani pritet vetëm zyrtarizimi.