Inteligjenca britanike: Humbjet ruse në Ukrainë, të ngjashme me ato të 9 viteve luftë në Afganistan

Përditësuar më: 23/5/2022, ora 09:47
ukriane 1280x720

Inteligjenca britanike: Humbjet ruse në Ukrainë, të ngjashme me ato të 9 viteve luftë në Afganistan

Përditësuar më: 23/5/2022, ora 09:47

Rusia ka pësuar në tre muajt e parë të pushtimit të saj në Ukrainë një numër të ngjashëm të vdekjeve me atë të Bashkimit Sovjetik, gjatë nëntë viteve të luftës në Afganistan. Lajmi është raportuar nga Ministria e Mbrojtjes e Mbretërisë së Bashkuar.

“Një kombinim i taktikave të dobëta të nivelit të ulët, mbulimi i kufizuar ajror, mungesa e fleksibilitetit dhe një qasje komanduese, e cila është e përgatitur për të përforcuar dështimin dhe gabimet e përsëritura që ka çuar në këtë shkallë të lartë të viktimave, e cila vazhdon të rritet në ofensivën e Donbasit”, tha inteligjenca britanike.

E marta shënon tre muaj që kur Rusia nisi sulmin e saj ndaj Ukrainës më 24 shkurt. Pushtimi sovjetik i Afganistanit zgjati nga dhjetori 1979 deri në shkurt 1989.

Numri zyrtar i vdekjeve sovjetike gjatë Luftës në Afganistan ishte rreth 15 000 ushtarë. Në mars, zyrtarë të lartë të NATO-s vlerësuan se deri në 15 000 ushtarë rusë mund të jenë vrarë në Ukrainë në vetëm një muaj.