Qeveria miraton projektin e rrugës Thumanë-Kashar, pjesë e Korridorit Blu

Publikuar më: 26/5/2022, ora 15:26

Qeveria miraton projektin e rrugës Thumanë-Kashar, pjesë e Korridorit Blu

Publikuar më: 26/5/2022, ora 15:26

Vitin e ardhshëm do të nisë ndërtimi i aksit rrugor Thumanë Kashar, pjesë e Korridorit Blu. Qeveria ka miratuar vendimin që mundëson realizimin e kësaj vepre duke filluar nga viti i ardhshëm.

“Shteti nuk investon mbi këtë kontratë. Ky aks do të investohet tërësisht mbi parimin e koncesionit, pra vepra do të transferohet në pronësi të shtetit shqiptar pas 35 vitesh”, tha ministrja e Infrastrukturës dhe Energjisë, Belinda Balluku.

Aksi rrugor Thumanë Kashar do të ndikojë në zhvillimin ekonomik të zonës. Ky segment pritet të lehtësojë trafikun në aksin ekzistues dhe të lidhë më mirë aeroportin e vetëm funksional të vendit me veriun e Shqipërisë, Portin e Durrësit dhe Kosovën.