Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Vrasja në komisariat, gjykata mbyll në qeli policin 25 vjeçar, burg edhe për efektivin e FNSH

Nga A2 CNN
26 Maj 2022, 12:08 | Kronikë
Vrasja në komisariat, gjykata mbyll në qeli policin 25 vjeçar,

Efektivët e Policisë Ludian Zaimi e Lutfi Gjyla, të arrestuar për vrasje dhe plagosje të kryer me armët e tyre të shërbimit, dolën këtë të enjte para gjykatës për caktimin e masës së sigurisë.

Në dy seanca të veçuara, pendesa e secilit prej tyre nuk bindi gjyqtarin e masave, Sokol Pasho, i cili vendosi lënien e tyre në “arrest në burg”.

Sipas avokatit Gorishti, klienti i tij nuk ka dhënë shpjegime lidhur me konfliktet e vijueshme me viktimën Çaush Saliasi. Ky i fundit u qëllua me armë nga kolegu Zaimi mbrëmjen e së hënës, brenda ambienteve të Komisariatit nr. 3 në kryeqytet.

Pas arrestimit, 25-vjeçari pretendoi se ishte bullizuar dhe fyer prej muajsh nga kolegu 55 vjeçar.

Në seancën tjetër, Lutfi Gjyla, efektiv i Forcave të Ndërhyrjes së Shpejtë, tha se plagosja e Myrteza Likës prej tij kishte qenë aksidentale.

“Më është shkrepur arma pa dashje”, mësohet të ketë thënë Gjyla në seancë, duke treguar si u plagos personi që ishte në të njëjtën tavolinë me të mbrëmjen e së hënës në Kombinat.

Sipas prokurorisë, pas arrestimit, rezultoi se në kohën e ngjarjes efektivi i FNSH ishte në gjendje të dehur.

https://a2news.com/2022/05/24/tragjedia-e-radhes-ne-komisariat-rrefimi-i-policit-me-fyente-prej-kohesh/

A2 CNN Livestream

Ditari nga Denisa Pasholli