Berisha: Taulant Balla, i implikuar politikisht në vrasjen e Xhuvanit në Elbasan

Publikuar më: 31/5/2022, ora 14:52
sali berisha 2 1175x720

Berisha: Taulant Balla, i implikuar politikisht në vrasjen e Xhuvanit në Elbasan

Publikuar më: 31/5/2022, ora 14:52

Sali Berisha, me anë të një postimi në Facebook, ka ngritur akuza ndaj Taulant Ballës, kreut të grupit parlamentar të PS-së, se ka lidhje me krimin në Elbasan.

Po ashtu, Berisha akuzon Ballën si të implikuar politikisht në vrasjen e Pjerin Xhuvanit para zgjedhjeve në qytetin e Elbasanit. Këtu, ai përmend edhe dëshmitë e të penduarit të drejtësisë Nuredin Dumani.

“Dumani i qelisë mbron Dumanin e Partisë!

Miq, dje denoncova në parlament Taulant Bego Yaris si Dumani politik i bandës së Elbasanit, i cili ka me kapot dhe anëtarët e kësaj bande të qeverisë qindra telefonata, të cilat faktojnë se ai është anëtar kryesor politik i saj.

Përveç kësaj, akuzova Taulant Bego Yaris se ai, së bashku me Gaz Bardhin, janë përgjegjës kryesorë politikë të vrasjes së Dr. Pjerin Xhuvanit dhe plagosjes së katër njerëzve në Elbasan.

Natyrisht, dje, unë nuk thashë asgjë të re, por vetëm ato që dihen nga të gjithë. Mirëpo, interesant është fakti se në mbrojtje të Dumanit të Parlamentit brofi Skapi i partisë të dalë i pari duke përdorur për këtë Dumanin e penduar të drejtësisë. Sipas rrjedhjes selektive nga SPAK-u i partisë te dëshmive të Dumanit të penduar, Ballën e shpëtoi ai për akuzën e padrejtë që një pjesë e bandës i bënte Tauland Bego Yaris sikur ky i fundit kishte ideuar vendosjen në garazhin e Manhasve të armës me të cilën ishte vrarë një anëtar i bandës.

Taulant Bego Yaris e kishte bërë këtë për të akuzuar Manhasat sikur ata ishin vrasësit e viktimës dhe të provokonte kështu hakmarrje ndaj tyre.

Por, sipas Dumanit të qelisë, ai vrasësi serial i 12 njerëzve kishte ndërhyrë dhe zbardhur faqen Dumanit të Parlamentit. Por cili ishte shpërblimi që Dumani i qelisë mori nga Dumani i Partisë për shërbimin që bëri ajo nuk ka rëndësi!!

Në të vërtetë, Dumani i qelisë me dëshminë e tij vetëm sa provoi akuzat e mia dhe fundosi përfundimisht Dumanin e Partisë.

Kjo, së pari, sepse dëshmia e Dumanit tregon qartë se deputetit Bego Yaris ishte aq i përzier me bandat sa që ato nuk nguronin ta akuzonin për skenarë e kurthe kriminale mafioze.

Sipas Dumanit, Taulant Bego Yaris ishte një me bandat dhe operacionet e tyre kriminale. Në këtë rast, Manhaset nuk akuzuan Don Lalen, por Taulant Bego Yaris për vendosjen e armës së krimit në garazhin e tyre.

Së dyti, unë dje nuk e akuzova Bego Yarisin se ka ideuar vendosjen e armës së krimit në garazhin e Manhasve, por e akuzova se ka qindra telefonata me anëtarët dhe bosët e bandave të Elbasanit dhe se është direkt i implikuar politikisht në vrasjen e Dr Xhuvanit.

Fakti që pohon Dumani i qelisë më të cilin zgjodhi të mbrohet Dumani i Partisë vetëm sa provon me shumë lidhjet e Bego Yarisit me bandën, e cila kishte atë një anëtar të vetin. E vërteta është se Dr Xhuvani u vra në përplasje me armë të bandës elektorale të Taulant Bego Yaris me kundërshtarët politikë që mbështesnin PD-në.

Përveç këtyre, gjuha shkon aty ku dhemb dhëmbi!

Dje Dumanit të parlamentit, përveç Dumanit të qelisë, i doli zot edhe Gaz Bardhi, bashkpërgjegjës në përgjakjen e Elbasanit ku mbeti i vrarë Dr Xhuvani dhe të plagosur 4 të tjerë.

Edhe reagimi i Bardhit ishte si klithma e atij që bërtet, “mos kujtoni se jemi ne përgjegjës për gjakun e derdhur në Elbasan”. Ky është vetëm fillim, më shumë do të dëgjoni!”, shkruan Sali Berisha.