Konfirmon zyrtari ushtarak: Raketa hipersonike “Zirkon” gati për përdorim

Përditësuar më: 1/6/2022, ora 13:32
MB GATI RAKETA HIPERSONIKE.duplicate frame 60 1280x720

Konfirmon zyrtari ushtarak: Raketa hipersonike “Zirkon” gati për përdorim

Përditësuar më: 1/6/2022, ora 13:32

Rusia mund ta përdorë në çdo moment raketën hipersonike “Zirkon”. Konfirmimi ka ardhur nga një zyrtar ushtarak, që theksoi se procesi i testimit përfundoi me sukses.

Javën e kaluar, ushtria ruse qëlloi një shënjestër nga një distancë prej 1 mijë kilometrash, nga deti Barenc drejt Detit të Zi. Pavarësisht humbjeve të rënda në betejën e tij me Ukrainën, presidenti rus Vladimir Putin ka vazhduar të mbrojë raketën Zirkon, pjesë e një gjenerate të re të sistemeve të armëve, me të cilat ai krenohet dhe pretendon se mund të udhëtojnë me nëntë herë shpejtësinë e zërit.

Alexander Moiseyev, komandanti i Flotës Veriore, tha se raketa do të vendoset me kohë të plotë në bordin e fregatës ruse Admiral Golovko përpara fundit të vitit.

Sipas vlerësimeve, arma e fuqishme ecën me një shpejtësi marramendëse, deri në 3 kilometra në 1 sekondë dhe mund të godasë Londrën brenda 5 minutave. Raketa konsiderohet e pakapshme nga sistemet e mbrojtjes të Perëndimit.