“Kthim në të ardhmen” me 100 km/h në 2,99 sekonda, vjen modeli i ri i makinës më të famshme në Hollywood

Përditësuar më: 1/6/2022, ora 12:53

“Kthim në të ardhmen” me 100 km/h në 2,99 sekonda, vjen modeli i ri i makinës më të famshme në Hollywood

Përditësuar më: 1/6/2022, ora 12:53

Është më tepër e njohur për faktin se përdoret në filmin e vitit 1985 “Kthim në të ardhmen”. Por së fundmi, DeLorean është rikthyer vërtet në të ardhmen, duke sjellë një makinë të re, totalisht elektrike.

Modeli i ri, i quajtur “Alpha5 EV”, është prodhuar në dy ngjyra, grinë klasike, por edhe ngjyrë të kuqërremtë. Nuk mungojnë dyert në formë krahësh, dhe të gjitha aksesorët me të cilët u bë e famshme. Sipas DeLorean, makina mund të arrijë 100 km/h për 2,99 sekonda.

Kompania që prodhoi makinën e parë DeLorean falimentoi në vitin 1982, por marka dhe të drejtat e prodhimit u blenë nga një kompani e re në vitin 1990, që zgjodhi të ruante të njëjtin emër. Për 30 vitet e ardhshme kompania u përqendrua te riparimi dhe modifikimi i automjeteve, por tashmë duket se gjithçka është gati për t’u zhytur në të ardhmen, me modelin e ri, që të paktën nga dizajnet e publikuara, duket vërtet fantastik.

Shpejtësia maksimale e mjetit është 250 km/h. Alpha5 do të prodhohet me një bateri prej 100 kilovat/orë, me të cilën mund të përshkohet një distancë prej 480 kilometrash.