Ushtritë e NATO-s dhe Rusisë shumë pranë njëra-tjetrës

Publikuar më: 6/6/2022, ora 11:59
MB STERVITJA NATO RUSIA.duplicate frame 148 1280x720

Ushtritë e NATO-s dhe Rusisë shumë pranë njëra-tjetrës

Publikuar më: 6/6/2022, ora 11:59

NATO nisi zyrtarisht stërvitjen ushtarake “Baltops Naval” në Detin Baltik. Në to janë përfshirë 7 mijë ushtarë, 45 anije dhe 75 avionë luftarakë nga 16 vende pjesëmarrëse. Prurja më e re në këto stërvitje ishte Finlanda dhe Suedia, dy vendet nordike që kërkojnë t’i bashkohen aleancës ushtarake, teksa shqetësimet për luftën e Rusisë në Ukrainë po rriten.

Sipas NATO-s, stërvitjet në Baltik, të cilat zhvillohen çdo vit që prej 1972, tregojnë përkushtimin e aleancës për ruajtjen e paqes dhe sigurisë rajonale. Në të testohet gatishmëria dhe sa shpejt mund të përgjigjen trupat në rast të ndonjë krize. Nga ana tjetër, edhe Rusia ka zhvilluar stërvitje ushtarake në Detin Baltik. Moska tha se çdo gjë shkoi sipas planit dhe se ishin testuar disa artileri të flotës detare.

Këto stërvitje shumë pranë njëra-tjetrës, vijnë në një kohë kur raportet mes NATO-s dhe Rusisë janë mjaft kritike, me akuza dhe kërcënime të shpeshta.