Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

“Ballkani i Hapur”, Vuçiç: Firmosim 4 ujdi në Ohër, nuk lusim askënd

Nga A2 CNN
7 Qershor 2022, 13:25 | Ballkani
“Ballkani i Hapur”, Vuçiç: Firmosim 4 ujdi në

“Ballkani i Hapur” është një projekt i jashtëzakonshëm. Deklarata erdhi nga Presidenti i Serbisë, Aleksandër Vuçiç, që pretendon se kjo iniciativë deri më tani ka sjellë përfitime të konsiderueshme për Beogradin, Tiranën dhe Shkupin.

Kjo vjen përpara Samitit të Ohrit dhe pasi ministri i Jashtëm rus, Sergei Lavrov, ofroi mbështetje për nismën rajonale, të cilën e konsideroi një projekt të Serbisë. Vuçiç shtoi se nuk do t’i lutet askujt për të marrë pjesë në “Ballkanin e Hapur” dhe njoftoi se në takimin e Ohrit do të nënshkruhen 4 marrëveshje mes Serbisë, Shqipërisë dhe Maqedonisë së Veriut.

“Në Samitin e Ohrit do të nënshkruhen 4 marrëveshje për njohjen e diplomave, për bashkëpunim në fushën e tregtisë dhe turizmit dhe për bashkëpunim në fushën e kulturës e administratës tatimore. Këto janë fusha të rëndësishme dhe sigurisht që do të përfitojnë të gjithë”, tha presidenti serb.

https://a2news.com/2022/06/07/rama-ballkani-i-hapur-garanton-lirite-qe-jane-jetike-per-zgjidhjen-e-konflikteve-ne-europe/

Vuçiç tha se në këtë takim do të jenë të pranishëm kryeministri i Malit të Zi, Dritan Abazoviç dhe kryetari i Këshillit të Ministrave të Bosnjë-Hercegovinës, Zoran Tegeltija, por vetëm si vëzhgues dhe jo si pjesëmarrës. Presidenti shtoi se shkëmbimi tregtar me Shqipërinë dhe Maqedoninë e Veriut është rritur në mënyrë drastike.

https://a2news.com/2022/06/07/samit-qe-prodhon-serbomadhi-dhe-rusofili-berisha-komenton-takimin-e-radhes-se-ballkanit-te-hapur/

Ai komentoi arsyet që detyruan ministrin e Jashtëm rus të anulonte vizitën në Beograd. Vuçiç u shpreh i pakënaqur me atmosferën e krijuar në botë lidhur me këtë zhvillim, duke theksuar se ishte krijuar “histeri”. Presidenti bëri të ditur se në shumë bisedime, Serbisë iu kërkua ta anulonte vizitën, madje tha se vendit të tij nuk iu lejua që të bisedonte me Lavrovin. Ministri i Jashtëm rus do të qëndronte dy ditë në Beograd, por Mali i Zi, Maqedonia e Veriut dhe Bullgaria i mbyllën hapësirën ajrore për shkak të sanksioneve kundër tij.

Kremlini e konsideroi këtë një akt armiqësor.

A2 CNN Livestream

Dita jonë