Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Mbrojtja nga armët kimike, çminime dhe aksion në det të hapur, stërvitja intensive e Forcës Tokësore

Nga A2 CNN
18 Qershor 2022, 11:55 | Aktualitet

Një pjesë e njësive të Forcës Tokësore kanë kryer disa stërvitje ushtarake tepër të rëndësishme gjatë ditëve të fundit, pjesë e të cilave ishte edhe Batalioni Komando.

Ky i fundit zhvilloi një stërvitje fushore-ujore në bazën e Pashalimanit. Në videot e publikuara në rrjetet sociale nga Forca Tokësore, efektivët shihen të kryejnë simulim operacionesh në det të hapur, për kapjen dhe marrjen në kontroll të mjeteve detare.

“Qëllimi është rritja e aftësive dhe kapaciteteve të Batalionit Komando për operacionet ujore. Kursi kryesor në këtë stërvitje ka qenë në mënyrën e drejtimit të mjeteve ujore në operacion, si gomonet, skafet dhe anijet. Teknikat dhe taktikat e procedurat që përdoren në operacionet ujore, kalimi i pengesave ujore, si dhe rritja e aftësive individuale e kolektive në not”, thotë Nënkoloneli Pëllumb Hidri, komandant Batalioni.

https://a2news.com/2022/02/09/forcat-speciale-te-ushtrise-sfidojne-terrenin-dhe-boren-stervitje-e-vecante-ne-voskopoje/

Një stërvitje tepër të rëndësishme kanë kryer në ditët e fundit edhe forcat e Batalioni të mbështetjes me luftime i forcës tokësore, në zonën e Rreth Grethit, në Rrogozhinë. Në këtë stërvitje u kryen simulimet e mbrojtjes nga armët kimike, të dëmtimit në masë, pastrimin e zonave të minuara dhe shpëtimin e personave të mbytur në det.

“Qëllimi konsiston në rritjen e aftësive operacionale të kapaciteteve që zotëron ky Batalion. Sot po zhvillojmë stërvitje me tre stacione, kompaninë e kimisë, kompaninë e xhenios, si dhe një stacion ku trupat aftësohen për dhënien e ndihmës së parë në rast mbytjeje në det”, tha Nënkolonel Eduart Përlesha, shef shtabi.

Efektivët e Forcës Tokësore shihen në video me veshje të posaçme, duke u stërvitur në izolimin e pastrimin e zonave të kontaminuara, si dhe duke përdorur mjete të specializuara për të zbuluar dhe larguar minat antinjeri.

https://a2news.com/2022/02/16/me-qindra-trupa-te-forcave-te-armatosura-stervitje-ne-vithkuq-pritet-vleresimi-nga-nato/

A2 CNN Livestream

Dita jonë