Cristian Eriksen është pranë kalimit te Manchester United. Trajneri i “Djajve të Kuq”, Erik Ten Hag është një nga admiruesit më të mëdhenj të danezit dhe për këtë arsye po bën çmos ta afrojë atë në skuadër.
Në fillim, 30-vjeçari kërkonte të qëndronte në Londër, ku rifilloi të luante për Brentford, në janar, por me paraqitjet e tij ka ngjallur interesin e shumë klubeve të mëdha europiane.
United është klubi favorit për të siguruar shërbimet e mesfushorit, mirëpo edhe interesi nga klubet e tjera nuk mungon. Përmendim këtu West Ham apo një rikthim të mundshëm te Tottenham.