“Liderët e BE, rezervë e zbehtë e SHBA”, Medvedev sulmon sërish Perëndimin

Përditësuar më: 23/6/2022, ora 11:28
medvedev rusia 1080x720

“Liderët e BE, rezervë e zbehtë e SHBA”, Medvedev sulmon sërish Perëndimin

Përditësuar më: 23/6/2022, ora 11:28

Zëvendëspresidenti i Këshillit të Sigurimit rus, Dmitry Medvedev, ka sulmuar sërish Perëndimin dhe klasën politike europiane. Në një postim të gjatë në Telegram, ai tha se liderët perëndimorë janë rezervë e zbehtë e amerikanëve.

“Pa ofendim për askënd, por është e qartë për të gjithë se Mario Draghi nuk është Silvio Berlusconi dhe Olaf Scholz nuk është Angela Merkel. Këta janë njerëz të rinj dhe një epokë e re qeverisjeje, e cila për mendimin tim është larg nga optimalja. Problemi i degjenerimit të politikës evropiane lidhet kryesisht me faktin se ajo është bërë një rezervë e zbehtë e solistëve amerikanë. Charles de Gaulle mund të kundërshtonte çdo president amerikan. Dhe tani cilët evropianë do ta bëjnë pa shtrënguar duart? Ata nuk mendojnë për të ardhmen. Janë të kufizuar vetëm nga qëllimet e tyre të dobëta elektorale”.

Duke qenë në kontakt për një kohë të gjatë me liderët europianë, ai thotë se niveli i politikanëve perëndimorë ka rënë shumë poshtë, krahasuar me liderët e mëparshëm.

“Për një kohë të gjatë unë kam qenë në kontakt me liderë të huaj dhe mund të shoh se sa ka rënë niveli i politikanëve perëndimorë. Në njëzet vitet e fundit kjo ka ndodhur para syve të mi. Natyrisht, në Evropë. Nuk ka mbetur asnjë politikan si Helmut Kohl, Zhak Shirak apo Margaret Thatcher. Natyrisht, këta nuk janë ata që ndonjëherë quhen pro-rusë, edhe nëse politikanët e fortë nuk kanë qenë kurrë rusofobë. Pyetja është krejtësisht e ndryshme. Dhe kjo, krijon probleme jo vetëm për botën perëndimore, por edhe për ne, për Rusinë. Kalibri i politikanëve po zvogëlohet në mënyrë të pashmangshme. Siç vërejti me të drejtë Vladimir Putin, pas vdekjes së Mahatma Gandhit, nuk ka mbetur më askush për të folur”, përfundoi ai.