Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Miratohet doktrina e re e sigurisë, NATO: Rusia kërcënimi kryesor, Kina sfidon vlerat tona  

Nga A2 CNN
29 Qershor 2022, 16:40 | Bota
Miratohet doktrina e re e sigurisë, NATO: Rusia kërcënimi

NATO miratoi doktrinën e re të sigurisë në samitin e Madridit. Në të thuhet se Rusia është kërcënimi më domethënës dhe i drejtpërdrejtë i Aleancës.

Gjithashtu, në tekstin e vizionit të miratuar nga vendet anëtare të organizatës ushtarake për 10 vitet e ardhshme, thekson se politikat shtrënguese të Kinës sfidojnë interesat, sigurinë dhe vlerat e NATO-s. “Rusia kërkon të krijojë sfera ndikimi dhe kontrolli të drejtpërdrejta përmes shtrëngimit, përmbysjes, agresionit dhe aneksimit”, shkruhet në tekstin e konceptit strategjik të Organizatës së Traktatit të Atlantikut të Veriut.

https://a2news.com/2022/06/29/shba-do-ndryshoje-strategjine-ushtarake-ne-europe-biden-aleanca-gati-per-cdo-kercenim/

“Ngritja ushtarake e Moskës, përfshirë në Detin Baltik, të Zi dhe Mesdhe, së bashku me integrimin ushtarak me Bjellorusinë, përbën një sfidë për sigurinë dhe interesat tona”, thotë paragrafi 8 i konceptit të NATO-s.

https://a2news.com/2022/06/29/nis-samiti-i-nato-s-ne-madrid-stoltenberg-perballemi-me-sfiden-me-te-madhe-qe-prej-luftes-se-dyte-boterore/

Ndërkohë, Sekretari i Përgjithshëm, Jens Stoltenberg, konfirmoi mbështetjen për Ukrainën deri sa ky vend të ketë nevojë. Gjithashtu, prezantoi ndihmat e reja për vendin e përfshirë nga lufta e Rusisë që janë kryesisht pajisje luftarake, mjekësore dhe karburant.

“Ky do të jetë një samit historik dhe transformues për aleancën tonë. Ne takohemi në mesin e krizës më të rëndë të sigurisë me të cilën jemi përballur që prej Luftës së Dytë Botërore, dhe po shohim se aleatët janë në gjendje të tregojnë unitet dhe se po i përgjigjen në mënyrë të unifikuar sfidave dhe kërcënimeve. Do të jetë një samit transformues, pasi do të merren vendime historike. Do të dakordësohemi për një koncept të ri strategjik për aleancën tonë, i cili do të jetë udhëzuesi mbi mënyrën se si të çojmë NATO-n drejt së ardhmes në një botë më kompetitive dhe të rrezikshme, për të mbrojtur të gjithë aleatët dhe rreth 1 miliardë qytetarë. Do të dakordësohemi mbi një ndryshim thelbësor për parandalimin dhe mbrojtjen, me më shumë batalione luftarake dhe gatishmëri më të lartë të forcave tona. Gjithashtu, do të shprehim mbështetjen për Ukrainën e do të pajtohemi për një paketë gjithëpërfshirëse ndihmash. Më pas, liderët do të marrin vendimin historik për të ftuar Finlandën dhe Suedinë për t’u anëtarësuar në NATO, pas marrëveshjes së arritur me Turqinë”, deklaroi sekretari i Përgjithshëm Jens Stoltenberg.

A2 CNN Livestream

Dita jonë