Besir Iseni është zyrtarisht futbollisti më i ri i Tiranës. Lajmin e ka bërë publike vetë klubi me anë të një postimi në rrjetet sociale, ku prezantoi 22-vjeçarin të veshur me fanellën bardheblu.
Qendërmbrojtësi ka firmosur një kontratë 3 vjeçare dhe është vënë menjëherë në dispozicion të teknikut Orges Shehi. Ai pritet që të zë vendin e lënë bosh nga kapiteni Erjon Hoxhallari, i cili e mbylli me Tiranën në fund të sezonit.
Në të kaluarën e tij Iseni ka luajtur tek kampionati maqedonas me skuadrat e Vëllazërimit dhe se fundmi me Strugën. Sezonin e kaluar u aktivizua në 18 ndeshje dhe shënoi 1 gol.