Një çiklist italian ka pësuar një aksident të rëndë në etapën e radhës së Turit të Francës, duke thyer qafën pas një përplasjeje të fortë me një tifoze që po ndiqte garën anës rrugës.
Daniel Oss nuk e shmangu dot tifozen që kishte zgjatur kokën për të kapur foto nga afër të çiklistëve që po kalonin me shpejtësi në rrugën me kalldrëm.
Por, pavarësisht dëmtimit të rëndë, Oss e përfundoi etapën. Pas saj, skuadra e tij njoftoi se skaneri tregoi një frakturë në vertebrën e qafës.