Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Bill Gates paralajmëron mbi krizën ekonomike

Nga A2 CNN
11 Korrik 2022, 17:06 | Bota
Bill Gates paralajmëron mbi krizën ekonomike

Bill Gates ka folur për krizën ekonomike botërore që po afrohet si pasojë e luftës në Ukrainë që filloi shkurtin e kaluar dhe efekteve të saj, ndër të cilat spikat rritja e inflacionit, të çmimeve të gazit dhe energjisë elektrike ose rritja e kostos së produkteve të konsumit.

Bashkëthemeluesi i Microsoft-it, i cili vite më parë paralajmëroi ardhjen e mundshme të një virusi që do të prekte të gjithë popullsinë botërore, ka qenë një nga protagonistët gjatë krizës shëndetësore të koronavirusit për rekomandimet e tij kur fliste për pandeminë. Ai deklaroi në vitin 2015 se bota “nuk ishte gati për pandeminë e ardhshme” dhe se viruset përfaqësojnë “rrezikun më të madh për katastrofën globale”.

https://a2news.com/2022/05/09/bill-gates-parashikon-se-sa-do-te-kushtoje-frenimi-i-pandemise-se-ardhshme/

Në konferencën TED2022, ai i kërkoi audiencës që t'i kushtojë më shumë vëmendje këshillave të tij se si të parandalohet një tjetër pandemi: “Kur isha në këtë skenë në vitin 2015, isha një nga shumë njerëz që tha se nuk ishim gati dhe se duhej të ishim gati. Fjalimi në fakt u pa nga shumë njerëz, por 90% e shikimeve ishin pasi koronavirusi kishte dalë tashmë”, tha ky biznesmen.

Gjatë një interviste në programin e CNN “Fareed Zakaria GPS”, ai shpjegoi se konteksti aktual ekonomik, i shtuar në krizën shëndetësore të koronavirusit, do të ketë pasoja sepse “nivelet e borxhit të qeverisë ishin tashmë shumë të larta dhe kishte probleme në zinxhirin e furnizimit”. Në fund, Gates kishte një paralajmërim të qartë për shoqërinë: “Ka të ngjarë të përshpejtohen problemet inflacioniste që kanë ekonomitë e një bote të pasur dhe të detyrojnë një rritje të normave të interesit, që përfundon duke shkaktuar një ngadalësim ekonomik”.

A2 CNN Livestream

Debat - nga Alba Alishani