Afera e inceneratorëve, Xhixho: LSI do t’i shkojë deri në fund, do të publikojmë fakte të reja

Publikuar më: 13/7/2022, ora 21:02
13 KORRIK DEBAT P1 CL frame 17817 1280x720

Afera e inceneratorëve, Xhixho: LSI do t’i shkojë deri në fund, do të publikojmë fakte të reja

Publikuar më: 13/7/2022, ora 21:02

LSI do të vijojë të publikojë fakte të reja në lidhje me aferën e inceneratorëve dhe do t;i shkojë deri në fund kësaj çështje. Këtë bëri të ditur në studion e Debatit me Alba Alishanin përfaqësuesja e LSI  Erisa Xhixho, sipas së cilës sa më shume thellohet hetimi aq më shumë fakte të reja dalin në dritë.  Duke e konsideruar këtë aferën më të madhe në 30 vite, ajo akuzoi kryeministrin Edi Rama se qëndron pas kësaj skeme korruptive, ndërsa renditi faktet e fundit të publikuara në media.

 “Të tjera fakte do të vihen në dispozicion se të gjitha këto miliona euro që ne flasim dhe qytetarët vuajnë varfërinë, do të zbulojmë hap pas hapi çdo të dhënë të re. Sa më shumë thellohemi aq më shumë zbulojmë fakte të rënda. Është një skemë e madhe korrupsioni mega afera më e madhe në 30 vite. Këto 24 kompani janë bërë publike edhe nga Kryemadhi është evazion fiskal. Media ka bërë së fundi publike raste tronditëse të zonjës që ka ndërruar jetë dhe në emër të saj janë bërë qarkullime parash që e çon këtë skandal në aspekte çnjerëzore. Një zonjë që mbledh kanaçe ka shkuar në SPAK ajo ka denoncuar faktin që jeton në mjerim shteti nuk i është gjendur dhe është pjesë e aferës së inceneratorëve, apo çifti i të moshuarve në azil si pjesë e aferës korruptive. Besojmë  që në krye është Rama, pa bekimin e tij nuk implementohet një skemë e tillë korrupsioni në këto nivele. Janë para të dhëna nga buxheti i shtetit”.

Sipas Xhixhos shpjegimin për përdorimin e këtyre emrave dhe identiteteve duhet ta japë drejtësia e re. Xhixho flet me emra konkretë të cilët duhet të jenë para drejtësisë.

“Këtë shpjegim duhet ta japë drejtësia. LSI ka bërë një shërbim shumë të madh. Drejtësia duhet të thotë pse firmat e identitetet e tyre janë përdorur  për transferimin e miliona eurove. Do të duhet drejtësia dhe kjo ka qenë një qasje shumë e mirë e një politike të përgjegjshme”.

“Sa më shumë thellon hetimin në dosjen e inceneratorëve sheh devijime e degë në sektorë të tjerë. LSI është e vendosur t’i shkojë deri në fund. Nuk duhet të harrojmë këtë megaaferë për shkak të aktualitetit të ditës. Miliona euro udhëtime janë bërë me aferën e inceneratorëve në kohën e pandemisë dhe sot rezultojnë në kërkim. Në vendin më të varfër dhe në këtë krizë ekonomike. Kërkesa jonë ka qene ndërprisni pagesat e inceneratorëve. Subashi dhe Agaçi duhet të ishin në hetim”

Ajo i bëri thirrje SPAK-ut edhe për inceneratorin e Tiranës, që sipas Xhixho s është një provë për drejtësinë e re.

“Inceneratori i Tiranës me vlerë 128 mln euro ende nuk ka hetim dhe thirrja jonë ka qenë që SPAK të vijojë punën në zbardhjen e skemës . Përgjegjësi penale se edhe sot nuk ka inceneratorë në Tiranë. Provë për drejtësinë e re dhe SPAK për të çuar para çdo zyrtar që abuzon me paratë publike”.

Edhe për analistin Aleksandër Çipa zbardhja e aferës së inceneratorëve është goditja që LSI po i bën qeverisjes Rama dhe ka vënë në lëvizje drejtësinë. Por ajo që kjo e fundit duhet të bëjë, sipas tij është përcaktimi real i aferës.

“LSI ka gjetur një kazuz që po e vendos në qendër të vëmendjes ë opinionit publik, çështja është që duhet të përcaktohet masa reale e aferës dhe vërtet kanë dalë nga buxheti i shtetit sa janë lëvruar dhe janë përdorur dhe sa kanë shkuar ën arka të subjekteve dhe individëve. Kjo zbardhje është domosdoshmëri nga drejtësia. 150 milionë janë shumë kanë shumë vlerë në një vend të vogël si Shqipëria. LSI e ka venën në lëvizje drejtësinë për këtë aferë. Hedhja në publik e fakteve e përqëndron vëmendjen dhe vë para përgjegjësisë së seriozitetit institucionet që merren me aferën. Është hera qe parë që një forcë politike merr në zotërim një aferë dhe e shpalos në publik”.