Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Ushtarët shqiptarë stërviten me mortaja në tokën amerikane

Nga A2 CNN
18 Korrik 2022, 21:57 | Aktualitet

Një grup ushtarësh shqiptarë, të drejtuar nga Komandanti i Forcës Tokësore gjeneral brigade Arben Kingji, zhvilluan një stërvitje të përbashkët me forcat amerikane.

Në një njoftim të Forcave Tokësore shqiptare theksohet se ushtarët kanë zhvilluar qitje me mortaja 81 mm, 120 mm, si dhe qitjen me armën kundër mjeteve të blinduara "TOW".

“Në vijim të vizitës në Fort Drum, Komandanti i Forcës Tokësore gjeneral brigade Arben Kingji, së bashku me adjutant gjeneralen e Gardës Kombëtare të New Jersey gjeneral brigade Lisa Hou, inspektuan stervitjen "eXportable Combat Training Capability", nga ku ndoqën nga afër qitjet e efektivave të Forcës Tokësore me mortaja 81 mm, 120 mm, si dhe qitjen me armën kundër mjeteve të blinduara "TOW"”, thuhet në njoftim.

A2 CNN Livestream

Debat - nga Alba Alishani