Robert Lewandowski u prezantua këtë të mërkurë si lojtari më i ri i Barcelonës. Së bashku me Presidentin e klubit, Joan Laporta, polaku bëri deklaratat e tij të para si lojtar i Barçës.
“Jam shumë i lumtur që jam këtu. U desh shumë punë për t’iu bashkuar Barçës. E di që kemi shumë punë përpara nesh, por dje pashë potencialin e madh që kemi dhe jam gati të jem pjesë e këtij klubi, i cili ka një histori të pabesueshme, por ka edhe perspektiva të mëdha. Në botën e futbollit duhet të duash të fitosh dhe unë jam në vendin më të mirë për ta bërë këtë”, u shpreh mes të tjerash sulmuesi.
Ndërkohë, në këtë prezantim mediave nuk iu lejua të bënin pyetje.