Brad Pitt po përgatitet të lërë karrierën e aktrimit?

Publikuar më: 3/8/2022, ora 18:45

Brad Pitt po përgatitet të lërë karrierën e aktrimit?

Publikuar më: 3/8/2022, ora 18:45

Pasi tha se ishte “në fazën e fundit të karrierës së tij”, aktori siguroi fansat duke shpjeguar se për momentin nuk do të largohet nga bota e kinemasë.

Ditët e fundit Brad Pitt ka tërhequr vëmendjen e shtypit ndërkombëtar si për zgjedhjen e veshjeve të veshura në tapetin e kuq për filmin e tij të ri “Bullet Train”, ashtu edhe për thashethemet e ndryshme për një dalje të mundshme në pension nga Hollivudi.

Pas më shumë se tre dekada me filma që kanë hyrë në histori, 58-vjeçari Brad Pitt ka filluar me të vërtetë të flasë për tërheqjen.

Aktori zbuloi se dy vitet e fundit kanë pasur një ndikim të madh në shëndetin e tij mendor dhe se pandemia e koronavirusit ka ndryshuar jashtëzakonisht pikëpamjen e tij për shumë gjëra, përfshirë punën.

Gjatë një interviste për GQ në qershor, protagonisti i Fight Club tha: “Unë e konsideroj veten në fazën e fundit të karrierës sime, semestrin apo tremujorin e fundit”.

Por, a është e vërtetë që aktori po përgatitet t’i thotë lamtumirë botës së Hollivudit? Në të vërtetë Jo.

Vetë Pitt u duk i befasuar kur, në premierën e “Bullet Train”, u pyet për largimin e tij të afërt nga kinemaja.

Reagimi i tij ishte gjysmë me humor, qeshi dhe u kthye paksa si i zënë ngushtë para se të përgjigjej: “Jo… me të vërtetë duhet të punoj në mënyrën time të të shprehurit”.

Duke shpjeguar më shumë, Pitt tha: “Ajo që dua të them është se jam mbi të pesëdhjetat dhe dua të jem më i kujdesshëm se si i kaloj këto angazhime të fundit, çfarëdo qofshin ato”.

“Unë kurrë nuk kam qenë lloji i njeriut që kishte një plan pesë-vjeçar. Unë bëj gjithçka që mendoj se është e përshtatshme për ditën. Unë ende veproj në atë mënyrë; në të ardhmen do të shohim”.

Në çdo rast, fansat mund të jenë të qetë sepse ka shumë filma të Brad Pitt që ende nuk janë shfaqur në ekranin e madh.

Jo vetëm në Bullet Train, me Joey King, Aaron Taylor-Johnson dhe Sandra Bullock, Pitt do të luajë edhe në Babylon të Damien Chazelle, me Margot Robbie dhe Tobey Maguire.