Raketat ukrainase vrasin nënkolonelen “tradhtare”, e para që bie në front

Publikuar më: 4/8/2022, ora 20:05
kolonele 1280x720

Raketat ukrainase vrasin nënkolonelen “tradhtare”, e para që bie në front

Publikuar më: 4/8/2022, ora 20:05

Ishte një nga personazhet më të urryera nga opinioni publik ukrainas, të paktën në Kiev dhe në territoret ku dominon qëndrimi anti-rus, por sot një oficere e lartë e Kremlinit ka rënë pre e një sulmi raketor të drejtuar enkas ndaj saj, teksa po drejtonte automjetin privat në Horloska, qytet i Donjetskut që prej vitit 2014 është në dorë të forcave pro-ruse.

 Olga Kachura deri në vitin 2011 ishte një oficere e lartë e policisë së Kievit, me gradën nënkolonel. Por pas ngjarjeve që çuan në aneksimin de facto të Rusisë ndaj Krimesë dhe sulmin e forcave pro-se në Donbas, ajo zgjodhi krahun e Kremlinit.

 Jo vetëm, por sipas burimeve ukrainase Kachura, e cila po drejtonte një divizion të artilerisë raketore, ishte ndër më gjakataret dhe është akuzuar disa herë se ka goditur objektiva civile. Në Kiev Kachura cilësohej si tradhtare dhe ishte dënuar me 12 vjet burg.

Pas lajmit të vdekjes, presidenti rus Vladimir Putin dekretoi dhënien e titullit “Heroinë e Rusisë” për Kachura, me motivacion “Guximin dhe heroizmin e treguar gjatë detyrës”.