Pllakat e gramafonit, edhe pse kujtim i shekullit të kaluar, mbartin ende një ndjesi origjinale në mënyrën sesi përçojnë tingujt e një pjese muzikore, ku edhe ato kërcitje dhe gërvishtje të lehta të gjilpërës sikur transportojnë dëgjuesin në një epokë tjetër.
Por përtej dimensionit romantik, këto pllaka janë edhe objekte tejet të lakmuara nga koleksionistë nga e gjithë bota, çmimi i të cilave mund të arrijë edhe shifra marramendëse.
Pllakat e gramafonit, edhe pse kujtim i shekullit të kaluar, mbartin ende një ndjesi origjinale në mënyrën sesi përçojnë tingujt e një pjese muzikore. Këto pllaka janë edhe objekte tejet të lakmuara nga koleksionistë nga e gjithë bota. Në fotogaleri, radhiten disa nga pllakat më të kushtueshme që janë blerë në treg
Tommy Johnson- Alcohol and Jake Blues . Disku i vitit 1930 është shitur për 33 mijë dollarë, nga një koleksionist që kishte më parë një kopje tjetër por në gjendje më të përdorur
Richard D. James - Caustic Widow . Ndoshta emri zyrtar i artistit nuk thotë shumë, por emri artistik Aphex Twin e bën irlandezin të njohur në botën e rrymës elektronike, që e cilëson atë si një nga pionierët e atij zhanri muzikor
Një kopje shumë e rrallë të albumit të tij Caustic Widow, i realizuar në vitet ’90, eshte blerë për 46 mijë dollarë nga Markus Persson. krijuesi i Minecraft, një nga videolojërat më të suksesshme të historisë
The Beatles - Yesterday & Today . The Beatles janë ndoshta grupi pop-rock më i njohur i muzikës, dhe janë disa pllakat që mbartin vlera të rralla
Njëra prej tyre, e vitit 1966, ka arritur vlerën e 125 mijë dollarëve për shkak të kopertinës kontroverse, ku 4 yjet e Liverpulit janë të rrethuar nga mishra dhe kukulla të copëtuara, kopertinë disi makabër që më pas u tërhoq nga tregu
John Lennon dhe Yoko Ono – Double Fantasy . Një kopje me autografin e John Lennon është shitur për 150 mijë dollarë. Ndoshta mund të vlente edhe më shumë, nga momenti që pak orë më vonë këngëtari anglez do të qëllohej për vdekje në Nju Jork, në vitin 1980
Elvis Presley - My Happiness . Regjistrimi i parë i mbretit të rock-ut, Elvis Presley, dhe që përmbante këngët “My Happiness” e “That’s When Your Heartaches Begin” është blerë në vitin 2015 për 300 mijë dollarë nga lideri i White Stripes, Jack White, një fan i madh i Presley
Elvis Presley
Quarrymen – In Spite Of All The Danger/That’ll Be The Day. Para se të quheshin The Beatles, John Lennon, Paul Mc Cartney dhe George Harrison formuan në vitin 1956 grupin Quarrymen. Albumi i tyre i parë dhe i fundit, i botuar në 50 kopje dhe i dhuruar të afërmeve, sot vlen deri në 290 mijë dollarë
The Beatles – Sgt. Peppers Lonely Hearts Club Band. Një kopje e kryeveprës së Beatles që është firmosur nga të katër anëtarët e grupit (George Harrison, Ringo Starr, John Lennon dhe Paul Mc Cartney), është shitur një anonim për 290 mijë dollarë
The Beatles – The Beatles (The White Album). Ky është sigurisht një nga albumet më të suksesshme të Beatles, dhe nuk habit fakti që disku i prodhuar të kishte vlerë marramendëse. Pronari i saj ka qenë pikërisht një nga anëtarët e grupit mitik, Ringo Starr, por u shit në vitin 2015 për shifrën e 790 mijë dollarëve
Wu-Tang Clan – Once Upon a Time in Shaolin . Pllaka e gramafonit më e kushtueshme e historisë ka një histori të veçantë. I përket grupit hip pop Wu Tang Klan, që në vitet 80 dhe 90 ka revolucionuar zhanrin që më pas do të pushtonte botën me ritmet e saj
Grupi amerikan prodhoi një album të tërë, të shtatin e tyre, në një kopje të vetme, që nuk është dëgjuar asnjëherë nga publiku i gjerë. Pllaka e vetme ekzistuese, është ruajtur me vite në kasafortën e hotelit Mansour të Marrakeshit, në Marok
Në vitin 2015 u vu në ankand , dhe u ble nga një amerikan me origjinë shqiptare që më pas do të njihej kudo për spekulimet e tij në fushën farmaceutike. Bëhet fjalë pikërisht për Martin Shkrelin, i cili bleu diskun pak para se të dënohej me 7 vjet burg. I liruar në majin e këtij viti, ndoshta Shkreli ka festuar duke dëgjuar pikërisht ato tinguj të panjohur për të gjithë, por që ai ka paguar plot 2 milionë dollarë, edhe pse nuk mund ta shfrytëzoi në mënyrë komerciale deri në vitin 2103, praktikisht kurrë, në qoftë se nuk shpik ilaçin e përjetësisë
Bëhet fjalë veçanërisht për kopje me tirazh të kufizuar, shpesh herë kopje unike, ose të pabotuara të këngëtarëve ose grupeve që kane shkruar historinë e muzikës, nga Beatles te Elvis Presley.
Më lartë, në fotogaleri, radhiten disa nga pllakat më të kushtueshme që janë blerë në treg.