Në borxhe për energjinë, qytetarët paguajnë me vështirësi, qeveria dhe ujësjellësit rrisin detyrimet

Publikuar më: 16/8/2022, ora 19:16

Në borxhe për energjinë, qytetarët paguajnë me vështirësi, qeveria dhe ujësjellësit rrisin detyrimet

Publikuar më: 16/8/2022, ora 19:16

Të dhënat nga Enti Rregullator i Energjisë tregojnë se në gusht, vlera e kamat-vonesave si pasojë e mos-pagimit në kohë të faturave të energjisë elektrike nga familjet shqiptare arriti në 45.2 miliardë lekë.

Ndonëse në rënie krahasuar me vitet paraardhëse, detyrimet e prapambetura mbesin të larta ndërsa qytetarët po vuajnë nga kriza e çmimeve.

Në gjysmën e parë të vitit, numri i faturave të lëshuara nga OSHEE arriti në gati 6 milionë. Nga këto, më shumë se 2.2 milionë, ose më shumë se 37 për qind e totalit ishin me kamat-vonesa.(grafik 2)

Të tjerë të moshuar, ngushëllimin për të paguar faturën e dritave e gjejnë te fëmijët e tyre.

Përveç qytetarëve të thjeshtë, borxhet ndaj Operatorit të Shpërndarjes së energjisë Elektrike i kanë rritur bizneset, qeveria e ujë-sjellësat. Detyrimet e sipërmarrjeve kanë arritur në 12.1 miliard lekë, ndërsa ato të pushtetit qendror bashkë me ujësjellësit e zhytur në krizë në 23 miliard lekë.

Në kushtet që prej 10 muajsh vendi ndodhet në gjendjen e emergjencës së furnizimit, kombinuar me thatësirën e çmimet e kripura në bursë, borxhet e rritura ndaj OSHEE shtojnë rrezikun për kolaps në sektorin energjetik.