Meta paralajmërim nga Vlora: Do ketë tronditje të mëdha, gati për zgjedhje lokale ose të parakohshme

Publikuar më: 17/8/2022, ora 10:04
KR META ME STRUKTURAT NE VLORE frame 889 1280x720

Meta paralajmërim nga Vlora: Do ketë tronditje të mëdha, gati për zgjedhje lokale ose të parakohshme

Publikuar më: 17/8/2022, ora 10:04

Përballë vlonjatëve, Ilir Meta përmendi edhe një herë luftën kundër korrupsionit si armën kryesore që do përdorë kundër qeverisë së Edi Ramës ndërsa paralajmëroi një shtator po aq të nxehtë sa vera që po lemë pas.

“Do kemi tronditje te mëdha, me ndryshime të paparashikueshme”, deklaroi ai.

Ligjin për referendumet e vendosi si kushtin kryesor për të gjitha forcat politike që duan të bashkëpunojnë me Partinë e Lirisë ndërsa strukturave të Vlorës u kërkoi të bëhen gati për beteja elektorale.

“Zgjedhjet lokale nuk i shtyjmë dot, si atëherë që nuk u regjistrua as Luli, por mund të kemi përpara edhe zgjedhjet përgjithshme”, shtoi Meta.

Meta kërkoi edhe një herë nga shqiptarët që të marrin në dorë fatin e tyre. Duke folur për çështjen e detit me Greqinë, ish-presidenti akuzoi Ramën se nuk është i interesuar për një marrëveshje mes vendeve por për pazaret me kompanitë e naftës, sipas tij në vlerë prej 300 miliardë dollarësh.