Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

I dërgon mjekut fotografitë e të birit, Google keqkupton dhe ia bën jetën "ferr"

Nga A2 CNN
24 Gusht 2022, 19:25 | Teknologji
I dërgon mjekut fotografitë e të birit, Google keqkupton dhe ia

Gjigantët e informacionit online kanë zhvilluar algoritme tejet të sofistikuara për t’iu përgjigjur më së miri fluksit gjithmonë e më të madh të informacionit që çdo ditë marrin ose kalon përmes tyre.

Rrjetet sociale, ose motorët e kërkimit, janë në pararojë të këtij fluksi, ku shpesh fshihen materiale të rrezikshme dhe ilegale, shpërndarja e të cilëve duhet penguar.

Por algoritmet mbeten algoritme, nuk zëvendësojnë totalisht njerëzit dhe mund të gabojnë, si në rastin e një babai amerikan që ka treguar historinë e tij në prestigjiozen New York Times.

Mark, emër fantazie ky, është një baba i zakonshëm i shqetësuar për një infeksion të vogël te organet gjenitale të të birit. Është periudha e karantinës nga pandemia, lëvizjet janë të kufizuara edhe në San Francisko ku banon, por infeksioni nuk duket alarmues, për këtë arsyeje vendos të dërgojë disa foto mjekut për një konsultë online. Nga ky vendim, fillon një histori paradoksale që i ngjan më shumë një novele të Franz Kafkës.

Fotografitë kalojnë në filtrin e Google, që njofton Markun se llogaria e tij është pezulluar për shkak të një thyerje të rëndë të rregullores, duke e sinjalizuar madje rastin te policia lokale. Atij i zhduket emaili, fotografitë e ruajtura në E-cloud, kontrata e telefonisë Google Fi pezullohet.

Marku dhe bashkëshortja e tij shpjegojnë arsyet mjekësore të atyre fotografive, duke dhënë prova të qarta që sigurisht bindin forcat e policisë, që ishin alarmuar për një rast të mundshëm pedofilie online, por çuditërisht jo kompaninë Google.

Një vit e gjysmë më vonë, llogaria e tij nuk është më riaktivizuar, me pasoja jo të vogla praktike por edhe psikologjike.

Historia e Markut nuk është e izoluar, sepse çdo vit janë rreth 600 mijë pamje të sinjalizuar nga filtrat e ndryshme vetëm nga Google, me 270 mijë persona që shohin llogaritë e tyre të pezulluara ose të fshira, me gjithë të dhënat që ndodhen aty ndër vite.

Në rastin më të shpeshtë, vendimi është i justifikuar, madje kanë ndihmuar në identifikimin e shumë krimeve, por raste si ai i Markut nuk mund të mos shqetësojë dhe të bëj të kërkosh për një qasje më njerëzore në trajtimin e rasteve të caktuara, që janë thjesht keqkuptim, nuanca që mesa duket inteligjenca artificiale ende nuk kap plotësisht.         

A2 CNN Livestream

Dita jonë