Rekord i ri, 700 emigrantë shqiptarë hynë në Britani në 24 orët e fundit

Publikuar më: 24/8/2022, ora 09:47

Rekord i ri, 700 emigrantë shqiptarë hynë në Britani në 24 orët e fundit

Publikuar më: 24/8/2022, ora 09:47

Emigrantët e paligjshëm shqiptarë që udhëtojnë drejt Britanisë, përmes kanalit të La Manshit kanë zënë titujt kryesorë të mediave në ishull gjatë ditëve të fundit.

Madje, Daily Mail dërgoi një prej reporterëve të tij në Has, për të bërë një reportazh për qytetin që pjesën më të madhe të të rinjve e ka në Britani dhe për propozimin e kryebashkiakut të qytetit verior të Shqipërisë, për të ndërtuar një bust të Mbretëreshës Elisabeth.

Sipas të dhënave zyrtare, vetëm në 24 orët e fundit mbi 700 shqiptarë kanë hyrë në Britani me varka të vogla nga 1295 që ishin në total.

Daily Mail shkruan se Shqipëria është një aleate e NATO-s, e cila aspiron të jetë pjesë e BE-së dhe që nuk ka parë një konflikt prej më shumë se 25 vitesh.

Numri i emigrantëve shqiptarë që hyjnë ilegalisht në ishull është rritur ndjeshëm, dhe sipas vlerësimeve, nga fillimi i vitit numërohen mbi 6000.