Mbyllja e Kadastrës, Isuf Çelaj: Vazhdon hakmarrja politike ndaj banorëve të Tropojës

Publikuar më: 26/8/2022, ora 10:31
isuf celaj 1168x720

Mbyllja e Kadastrës, Isuf Çelaj: Vazhdon hakmarrja politike ndaj banorëve të Tropojës

Publikuar më: 26/8/2022, ora 10:31

Me anë të një statusi në Facebook, deputeti Isuf Çelaj ka reaguar për mbylljen e zyrës së Kadastrës Shtetërore në Tropojë. Ai e vlerëson këtë vendim si hakmarrje politike.

Deputeti shkruan më tej se marrja e një vendimi të tillë nuk duhet të ndodhë kurrsesi, pasi situata e regjistrimit të pasurive të paluajtshme në rrethin e Tropojës është në masën 80% e paregjistruar, duke qenë se si në të gjithë veriun e kryesisht në qarkun e Kukësit nuk është zbatuar Ligji nr 7501, por toka është ndarë sipas kufijve të vjetër përpara kolektivizimit.

Postimi i plotë i deputetit Isuf Çelaj

Qeveria e Rilindjes vazhdon hakmarrjen politike ndaj banorëve të Tropojës duke u mbyllur Zyrën e Kadastrës Shtetërore!

📍Këto ditë ASHK qendrore e Lames në Tiranë ka marrë vendimin hakëmarrës e penalizues për banorët e rrethit Tropojë duke mbyllur Zyrën Vendore të Kadastrës!

📌Marrja e një vendimi të tillë nuk duhet të ndodhë kurrësesi pasi situata e regjistrimit të pasurive të paluajtshme në rrethin e Tropojës është në masën 80% e pa rregjistruar, duke qenë se si në të gjithë veriun e kryesisht në qarkun e Kukësit nuk është zbatuar Ligji nr 7501, por toka është ndarë sipas kufijve të vjetër përpara kolektivizimit, dhe t’jua mbyllësh ZSHK duke ua dërguar në qendër të qarkut në Kukës është një krim!

📍Po ashtu të paregjistruara janë edhe po thuajse mbi 90% edhe banesat në të gjitha fshatrat e rrethit!

📍Po i kujtojë Lames në Tiranë dhe yes-manve servil të tij në Kukës e Tropojë se ky vendim vetëm sa thellon më shumë barrën e halleve të mëdha që rëndojnë mbi kurrizin e malësorëve të varfër të Tropojës, pasi distanca me qendrën e qarkut në Kukës është vajtje-ardhje rreth 220 km distancë dhe duhet të kalojnë 4 herë dy doganat me Kosovën!

📍E kam thënë disa herë në fjalën time në Parlament se kjo qeveri e Rilindjes në këto 9 vite është hakmarrë politikisht ndaj Tropojës dhe këtë e tregojnë veprimet e marra në vazhdimësi prej saj, e cila përveç propagandës e demagogjisë nuk ka demostruar asgjë konkrete, shembull është trumbetimi me të madhe i sloganit: “Qeveri e shërbimit  dhe e shërbesave” apo ”Shërbimet të shkojnë pranë qytetarëve” dhe kjo për banorët e Tropojës vetëm tek qytetarët nuk kanë vajtur, por vetëm sa u janë larguar dhe mohuar:

📌shërbimi i kontrollit teknik të automjeteve kryhet në Kukës,

📌shërbimi i tatim-taxave dhe i marrjes së vertetimeve të thjeshta kryhet në Kukës,

📌shërbimet e drejtorive të arsimit e shëndtësisë përkatësisht në Lezhë e Shkodër,

📌mbyllja e Gjykatës së faktit (shkallës parë) dhe transferimi i saj në Kukës, e bashkë me këtë edhe shkrirja e shërbimit të paraburgimit që ka të bëjë edhe me largimin e transferimin jashtë rrethit të efektivëve të policisë së burgjeve,

📌dhe shërbimi i fundit që kishte mbetur në Tropojë ky i ZSHK (Zyra Shtetërore e Kadastrës) të cilin do ta mbyllin kēto ditë për ta kaluar në Kukës,

🔷Thirrja ime shkon për ASHK e drejtorin e saj Artan Lame, për Ministrin e Drejtësisë Manja dhe KM që mos ua bëni këtë pabesi banorëve të Tropojës, pasi ata meritojnë kujdesjen e  shtetit të tyre dhe ofrimin e shërbimeve sa më afër në kohë e cilësi, pasi ata paguajnë taxat dhe respektojnë ligjet e vendit dhe nuk duhet ti trajtoni si qytetar të dorës dytë!

🔷Reformë nuk është të mbyllësh zyrën atje pse keni emruar në vazhdimësi militant e njerëz që nuk kanë asnjë lidhje e njohuri  me profesionin dhe veprimet abuzive në vazhdimësi të zyrtarëve tuaj partiak kanë sjellur një katrahurë të vertetë në pronat e sherbimet e qytetarëve!

🆘Zemërata e tyre ka një kufi, reagimi i tyre ndaj jush do të jetë i ashpër, pasi nuk u ka  mbetur asgjë tjetër  vetëm ose ta braktisin komplet vendin e tyre ose të bashkohen me Gjakovën, pasi nga ju janë të harruar!