Sondazh: Si ka ndryshuar figura e babait në familje ndër vite?
  • Më i pranishëm me fëmijët 17%
  • Më i zënë në punë 67%
  • Ndihmon në shtëpi 17%

Dalin në ankand objektet e shkrimtares amerikane

Nga A2 CNN
2 Shtator 2022, 11:10 | Aktualitet

Nëse është e vërtetë, se një pjesë e madhe e karakterit të çdo njeriu mund të lexohet në shtëpinë e tij, një roman pas vdekjes mund të shkruhet mbi atë të Joan Didion kushtuar pasioneve të shkrimtares së madhe amerikan, e cila u nda nga jeta dhjetorin e kaluar në moshën 87-vjeçare.

Një botë me objekte të vogla të paharrueshme që dëshmojnë për dashurinë e saj për artin dhe letërsinë, por edhe për gatimin dhe objekte të vjetra, duke përfshirë komplete tenxheresh, mobilje dhe koleksione të ndryshme. Një botë detajesh që do t'i vihet në ankand më 16 nëntor nga Stair Galleries në Nju-Jork dhe të ardhurat e së cilës do t'i kalojnë disa organizatave bamirëse.

Katalogu i shitjes, i titulluar "An American Icon: Property From the Collection of Joan Didion", do të jetë i disponueshëm duke filluar nga 31 tetori.

Ndër veprat e artit, janë veprat e Ed Ruscha, Sam Francis dhe Richard Diebenkorn, disa prej të cilave janë dhuruar nga të njëjtët artistë për shkrimtaren.

Do të ketë edhe disa portrete të Didion të realizuara nga fotografë të famshëm si Annie Leibovitz, Mary Ellen Mark, Brigitte Lacombe dhe Julian Wasser.

Fotografia e Wassar-it, në veçanti, është ikonë, e bërë në vitin 1968, gjatë qëndrimit të gjatë në Kaliforni të Didion dhe bashkëshortit të saj, ajo përshkruan Joan në Corvette-n e saj në rrugën e shtëpisë së Hollivudit, ku u shkruan skenarë si “Panic in Needle Park” në 1971 me Al Pacinon dhe “A star is Born” i vitit 1976 me Barbra Streisand.

“Kur filluam të shikonim se çfarë kishte në shtëpi, vumë re lidhjet midis shkrimeve të saj, artit që mblidhte dhe objekteve me të cilat jetonte”, tha Thomas për Ansa Lisa Thomas nga Stair, e cila po punon për koleksionin.

Lexuesi në Shqipëri e njeh Joan Didion përmes romanit “Luaj lojën tënde”, botuar për herë të parë në vitin 1970. Ky libër është bërë film dhe revista “Time Magazine” e ka përfshirë në listën e 100 librave më të mirë të gjuhës angleze për periudhën 1923-2015.

A2 CNN Livestream

Debat - nga Alba Alishani