“E dimë trimërinë e lepurushit Edi Rama”, Meta: Opozita do ia shkulë dhëmbët e korrupsionit

Publikuar më: 2/9/2022, ora 13:38
meta 5 1280x720

“E dimë trimërinë e lepurushit Edi Rama”, Meta: Opozita do ia shkulë dhëmbët e korrupsionit

Publikuar më: 2/9/2022, ora 13:38

Kreu i Partisë së Lirisë, Ilir Meta, në një konferencë për shtyp, deklaroi se opozita “do ia shkulë të gjithë dhëmbët e korrupsionit” kryeministrit Edi Rama.

“E theksoj rëndësinë që shqiptarët të protestojnë çdo minutë, pasi nuk ka shtet të së drejtës. Qeveria po vjedh qindra milionë euro me inceneratorët dhe Portin e Durrësit. Edi Rama është armiku i lirisë së cdo qytetari shqiptar, është armiku i votës së lirë, i barazisë përpara ligjit, armiku i medias së lirë. Ka vetëm një rrugë: të bashkohemi për të shporrur një herë e mirë Edi Ramën dhe për t’i dhënë fund modelit skizofrenik të drejtimit të vendit”, tha Meta.

“Ka pasur shumë të marrë që mendonin se populli nuk gjykon. Njëri nga të fundit ishte Gedafi. Opozita do t’i përgjigjet dhëmbë për dhëmbë Edi Ramës dhe do ia shkulë të gjithë dhëmbët e korrupsionit atij. E dimë shumë mirë trimërinë dhe guximin e lepurushit Edi Rama. Nuk ka për të qenë Shqipëria çiflig i Edi Ramës. Shumë shpejt, Rama do t’i nënshtrohet llogaridhënies”, shtoi kreu i Partisë së Lirisë.