Meta njofton protestë, më 13 shtator tek inceneratori i Tiranës

Publikuar më: 6/9/2022, ora 13:50

Meta njofton protestë, më 13 shtator tek inceneratori i Tiranës

Publikuar më: 6/9/2022, ora 13:50

Në 13 shtator Partia e Lirisë do të organizojë protestë tek inceneratori i Tiranës. Në një konferencë për shtyp, Ilir Meta nënvizoi se çështja e inceneratorëve është një kauzë e kësaj partie. i pyetur nëse do të ftojë edhe Partinë Demokratike që të bëhet pjesë, ish-Presidenti u shpreh se çdo person është i ftuar që të marrë pjesë si qytetar.

Aksioni opozitar i Ilir Metës nis nga inceneratori i Tiranës. Kryetari i Partisë së Lirisë njoftoi se më 13 shtator ky subjekt politik do të organizojë një tubim pranë impianti të trajtimit të mbetjeve në Sharrë si simbol i korrupsionit qeverisës.

“Qytetarët paguajnë gjithnjë e më shumë taksa për pastrimin, jo vetëm që nuk marrin shërbimin por marrin helmin. Kështu që ne kemi vendosur që protestën e radhës ta bëjmë të martën që vjen tek incneneratori i Tiranës”, tha Meta.

Njoftimi Metës në pamje të parë u duk i pasinkronizuar nga qëndrimet e Berishës i cili ishte shprehur më parë se për aksionin opozitar do të pritej një vendimmarrje nga Fronit opozitar. Përballë pyetjes nëse do të ftojë edhe PD-në, Meta e tha qartë se karta e inceneratorëve i përket Partisë së Lirisë. “Partia e Lirisë është marrë me inceneratorët, të gjithë janë të ftuar për të marrë pjesë si qytetar”. Kjo është protesta e parë e njoftuar nga ish-presidenti i cili në daljet e tij të përditshme gjatë gushtit, ka njoftuar një vjeshtë protestash opozitare.