Me vdekjen e saj, ikën një nga personazhet publike më të famshme të kohës sonë, Elizabeth II, e lindur si Elizabeth Alexandra Mary Windsor. Gjithçka është thënë dhe lexuar për të, gjithmonë e vendosur mes realitetit dhe thashethemeve, ndoshta falë faktit se në 96 vite jetë, 70 prej të cilave kaluan në fronin e Mbretërisë së Bashkuar, Madhëria e saj ka dhënë vetëm një intervistë. Dhe pa shkuar as shumë larg për të mos thyer atë atmosferë të nevojshme misteri që e ka mbështjellë gjithmonë dhe rezervën që e ka dalluar gjithmonë për rolin që ka mbajtur dhe gjithashtu për natyrën e saj.

Ajo u bë mbretëreshë vetëm në moshën 25-vjeçare në një botë që, nëse mendojmë se është ende e vështirë për një grua sot, imagjinoni se si duhet të ketë qenë në atë kohë. Mbretërimi i saj ishte më i gjati pas atij të Mbretit Diell, 70 vite gjatë të cilave figura e saj ikonike dhe e pakrahasueshme u konsolidua në imagjinatën e të gjithëve, jo vetëm në atë të nënshtetasve të saj. Ajo kurrë nuk pati patentë shoferi apo pasaportë dhe nuk shkoi kurrë në shkollë. Ajo u kurorëzua në mbarë botën pavarësisht se ishte kundër vëmendjes së mediave për shkak të ndrojtjes së saj. Ka edukuar më shumë se 14 breza të qenve Corgis, qentë e saj të preferuar dhe madje luajti përballë Daniel Craig aka James Bond në një reklamë televizive.

Ajo ka parë gjëra, ka takuar njerëz, por edhe tendencat në aspektin e modës. Ishte në fron kur në rrugët e Londrës, skajet e fundeve filluan të shkurtohen, derisa u bënë mini. Ose kur Sex Pistols, ikona të stilit punk, i kushtuan asaj “Zoti e ruajtë mbretëreshën”. Ishin vetëm vitet 1970 dhe më e mira, ose më e keqja, nuk do të vinte ende.

Dasma e Charles me Dianën, skandalet në pallat që ajo gjithmonë është përpjekur t’i zbuste, e rezervuar dhe e vëmendshme ndaj etikës ka qenë gjithmonë. Një përkushtim që ka qenë i dukshëm edhe në veshjen e saj, një lloj uniforme e ngritur sipas rregullave shumë specifike, të paktën prej 30 vitesh.

Një vepër e ngritur nga stilistja e saj e besuar Angela Kelly, e cila e ka ndjekur në çdo rast që nga viti 1994, duke zgjedhur me kritere dhe qëllim edhe detajin më të vogël që sytë më pak me eksperiencë vështirë se do ta dallonin.

Nga veshjet shumëngjyrëshe, të cilat i veshi disa herë, te mesazhet e koduara që lançonte përmes mënyrës së mbajtjes së çantës së saj të pashmangshme, ne ju tregojmë për anën më magjepsëse dhe me stil të Elizabeth II.