Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Putin tregon shqetësimin e Kinës për luftën në Ukrainë

Nga A2 CNN
15 Shtator 2022, 21:03 | Bota
Putin tregon shqetësimin e Kinës për luftën në

Presidenti i Rusisë, Vladimir Putin është shprehur se e mirëkupton shqetësimin e Kinës për situatën në Ukrainë, pas takimit që zhvilloi me homologun Xi Jinping.

Kreu i Kremlinit falënderoi gjithashtu Kinën për pozitën e saj të ekuilibruar dhe shtoi se përpjekjet e SHBA-së për një botë unipolare do të dështojnë.

Kina nuk e ka mbështetur pushtimin e Rusisë në Ukrainë, por ka rritur tregtinë dhe lidhjet e tjera me Moskën që nga fillimi i luftës në muajin shkurt.

“Ne e vlerësojmë shumë pozicionin e ekuilibruar të miqve tanë kinezë kur bëhet fjalë për krizën në Ukrainë”, i tha Putin presidentit kinez.

Ai shtoi se i kuptonte të gjitha pikëpyetjet dhe shqetësimet e Kinës për situatën në Ukrainë.

Pushtimi e ka zhytur Moskën në krizën e saj më të keqe me Perëndimin që nga Lufta e Ftohtë dhe ka rritur çmimet globale të ushqimit dhe energjisë.

Ajo përbën gjithashtu një sfidë të madhe për Kinën, marrëdhëniet e së cilës me Perëndimin janë përkeqësuar vitet e fundit për çështje që përfshijnë të drejtat e njeriut dhe të ardhmen e Tajvanit.

A2 CNN Livestream

Debat - nga Alba Alishani