Takimi me kryetarët e grupeve parlamentare, Yuri Kim: Refuzoni përpjekjet për të minuar demokracinë

Publikuar më: 16/9/2022, ora 17:27
yuri kim 1 1280x720

Takimi me kryetarët e grupeve parlamentare, Yuri Kim: Refuzoni përpjekjet për të minuar demokracinë

Publikuar më: 16/9/2022, ora 17:27

Ambasada Amerikane në Tiranë ka dhënë detaje pas takimeve të zhvilluara këtë të premte të Yuri Kim me kryetarët e grupeve parlamentare të partive politike në Shqipëri.

Në deklaratë theksohet se, Ambasadorja Kim nënvizoi rëndësinë që ka bashkëpunimi i të gjitha partive politike, për të rritur transparencën dhe përgjegjshmërinë e të gjitha institucioneve, për të refuzuar përpjekjet për të minuar demokracinë e Shqipërisë, për të përmirësuar rolin mbikëqyrës të Parlamentit dhe për të çuar Shqipërinë para me vendosmëri drejt përmbushjes së kërkesave për anëtarësimin e plotë në Bashkimin Evropian.

“Ambasadorja Yuri Kim u takua sot me Kryetarët e Grupeve Parlamentare Taulant Balla (PS) dhe Enkelejd Alibeaj (PD) për të diskutuar një gamë të gjerë çështjesh në agjendën e Parlamentit dhe marrëdhëniet dypalëshe SHBA-Shqipëri.

Ambasadorja Kim nënvizoi rëndësinë që ka bashkëpunimi i të gjitha partive politike, për të rritur transparencën dhe përgjegjshmërinë e të gjitha institucioneve, për të refuzuar përpjekjet për të minuar demokracinë e Shqipërisë, për të përmirësuar rolin mbikëqyrës të Parlamentit dhe për të çuar Shqipërinë para me vendosmëri drejt përmbushjes së kërkesave për anëtarësimin e plotë në Bashkimin Evropian.

Ajo theksoi gjithashtu që tani është koha për të shtuar përpjekjet për zbatimin e reformës në drejtësi, të cilën Parlamenti e kaloi njëzëri në 2016 dhe që po fillon të tregojë rezultate”, mbyllet reagimi i ambasadës.