Tajfuni Nanmadol, urdhërohet evakuimi i 8 milionë banorëve

Publikuar më: 19/9/2022, ora 07:30
044213789 d93222c6 a891 4e56 8cdb a6c43a6b0815

Tajfuni Nanmadol, urdhërohet evakuimi i 8 milionë banorëve

Publikuar më: 19/9/2022, ora 07:30

Autoritetet japoneze kanë urdhëruar evakuimin e mbi 8 milionë banorëve në rajonet jugore dhe perëndimore të vendit për shkak të tajfunit Nanmadol, i cili konsiderohet si një ndër më të fuqishmit që ka goditur vendin.

Momentalisht, tajfuni me erëra deri në 250 km në orë dhe shira të dendur, ka goditur rajonin e Kyushu.

Agjencia Meteorologjike Japoneze paralajmëron banorët të kenë kujdes nga era, e cila pritet të bëhet edhe më e fortë.

Nanmadol është stuhia e 14-të gjatë këtij viti, që qendra e përbashkët për paralajmërimin e tajfuneve të marinës amerikane e klasifikon si supertajfun.