Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Arrihet në parim marrëveshja për qeverinë në Malin e Zi, Abazoviç do postet kyçe, pjesë dhe koalicioni prorus

Nga A2 CNN
20 Shtator 2022, 07:44 | Ballkani
Arrihet në parim marrëveshja për qeverinë në Malin e

Kryeministri në largim i Malit të Zi, Dritan Abazoviç, deklaroi se është arritur marrëveshje në parim nga partitë e koalicionit të shumicës për krijimin e qeverisë së re.

Sipas Abazoviç, është rënë dakord, që pikërisht në ditën e përfundimit të afatit, presidentit t’i dërgohet emri i Miodrag Lekicit nga partia Demos për të formuar qeverinë.

Një nga përfaqësuesit e koalicionit të Frontit Demokratik të dalë nga zgjedhjet e 2020, Andrija Mandiç, njofto gjithashtu se partitë kanë rënë dakord që kryetari i Demos, ish-diplomati Lekiç, të ngarkohet me formimin e qeverisë së re.

Mandiç tha gjithashtu se qeveria e ardhshme do të krijohet në bazë të barazisë.

Shtetet e Bashkuara kanë thënë se nuk e shohin Frontin Demokratik si partner sepse ai nuk mbështet vlerat evropiane. Kjo parti u përmend gjithashtu në raportin e fundit të SHBA-së për financimin nga Rusia të partive politike të huaja.

Kryeministri Abazoviç tha të hënën në Uashington se partia e tij kërkon gjysmën e posteve ministrore dhe portofolet e politikës së jashtme dhe sigurisë në një qeveri të ardhshme që të garantohet kursi perëndimor i vendit.

Abazoviç i bëri komentet pas një takimi me të dërguarin amerikan për Ballkanin Perëndimor, Gabriel Escobar në Departamentin e Shtetit, duke iu përgjigjur shqetësimeve, lidhur me përfshirjen e Frontit Demokratik prorus në koalicionin e ardhshëm.

“Sa i takon formimit eventualisht të qeverisë së re në Mal të Zi, ne jemi ata që garantojmë një kurs perëndimor të Malit të Zi”, tha ai.

A2 CNN Livestream

Dita jonë