Kushi pas takimit me pedagogët: Po dialogojmë politikën e pagave në bazë të performancës

Publikuar më: 23/9/2022, ora 19:24
307092058 560775675847452 6211281817094967967 n 1081x720

Kushi pas takimit me pedagogët: Po dialogojmë politikën e pagave në bazë të performancës

Publikuar më: 23/9/2022, ora 19:24

Pas përfundimit pa dakordësi me pedagogët në lidhje me kërkesat e tyre, ka ardhur edhe reagimi i ministres së Arsimit Evis Kushi. Në një postim në Facebook ministrja e Arsimit sqaron se pjesa më e madhe e çështjeve është në proces draftimi, ndërsa thekson se do të vazhdojë dialogu për pagat në bazë të performancës së universiteteve.

“Zhvilluam sot një tryezë diskutimi të gjatë me Sindikatën e Punonjësve të Universiteteve të Shqipërisë në lidhje me kërkesat e parashtruara prej tyre.

Pjesën më të madhe të çështjeve të parashtruara e kemi tashmë në proces draftimi edhe me Komitetin e Përbashkët të Politikave për Arsimin e Lartë dhe Konferencën e Rektorëve, të tilla si:

– mbështetja e kërkimit shkencor, e cila do të reflektohet edhe në Strategjinë e re Kombëtare të Shkencës, Teknologjisë dhe Inovacionit;

– rishikimi i udhëzimit për veprimtarinë dhe ngarkesën mësimore të pedagogëve;

– rishikimi i procedurave për pagesën e orëve suplementare;

– rishikimi i kritereve për marrjen e titujve akademike;

– si dhe rritja e transparencës për veprimtarinë akademike dhe financiare të universiteteve.

Ndërkohë, do të vazhdojmë dialogun për politikën e pagave jo vetëm me ta, por edhe me rektorët e universiteteve dhe grupet e interesit. Ne synojmë që kjo politikë të lidhet me performancën e universiteteve, me qëllim vlerësimin e suksesit dhe nxitjen e cilësisë dhe konkurrencës”, shkruan Kushi.