Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Kualifikimi historik, Apolonia U19 në turin e dytë të Champions për të rinj

Nga A2 CNN
5 Tetor 2022, 16:33 | Futboll
Kualifikimi historik, Apolonia U19 në turin e dytë të Champions

Pas vajzave të Vllaznisë, është skuadra e të rinjve të Apolonisë ajo që mban lart emrin e Shqipërisë në arenën Ndërkombëtare. Ekipi i19-vjeçarëve të drejtuar nga trajneri Bledar Borova fitoi 3-1 përballë bashkëmoshatarëve të Astanës.

Kjo është një arritje historike, me Apoloninë që për herë të parë kualifikohet në turin e dytë të UEFA Youth League, ekuivalenti i Champions-it për të rinj.

Maksuti me dy gola, në minutat 14 dhe 60-të, hipotekoi suksesin e skuadrës së talentuar nga Fieri, teksa Kurti në të 72-ën realizoi edhe rrjetën e tretë.

Vetëm vlerë për statistikë kishte goli i Zhubamekov për rivalët nga Kazakistani, që u eliminohen, pasi ndeshja e parë kishte përfunduar në barazim 1-1.

Tani kundërshtari i radhës për Apoloninë në turin e dytë të UEFA Youth League do të jetë Hajduk Split, kampione e Kroacisë për 19-vjeçarë.Sfida e parë do të luhet më 26 tetor në Fier, ndërsa takimi i kthimit më 2 nëntor në Split.

A2 CNN Livestream

Dita jonë