U kritikua nga Kievi, Musk tërheq satelitët që ndihmuan kundër rusëve   

Publikuar më: 14/10/2022, ora 13:38
musk 2 1280x720

U kritikua nga Kievi, Musk tërheq satelitët që ndihmuan kundër rusëve   

Publikuar më: 14/10/2022, ora 13:38

Elon Musk duket se po hakmerret ndaj qëndrimit negativ të Kievit dhe do të tërhiqet nga financimi i satelitëve Starlink në Ukrainë.

Starlink për një periudhë të gjatë ka qenë i vetmi sistem interneti satelitor jorus që ende punonte në disa zona të Ukrainës që prej pushtimit nga Moska më 24 shkurt, me presidentin ukrainas që e ka falënderuar publikisht atë.

Por sugjerimet e miliarderit me origjinë nga Afrika e Jugut për një zgjidhje të mundshme të konfliktit nuk i pëlqyen tepër Kievit, nga momenti që ai për shembull e konsideronte Krimenë tashmë të humbur.

Madje ambasadori ukrainas në Gjermani, Andrij Melnyk i kishte sugjeruar Musk të “shkonte në djall”, por me fjalë edhe më të rënda.

Pikërisht diplomatit iu përgjigj Musk në Twitter, për të shpjeguar arsyen e tërheqjes nga mbështetja satelitore Starlink, e cila mundësohet nga krijesa e tij SpaceX.  

 “Thjesht po ndjek këshillën tuaj”, ironizoi babai i Tesla dhe SpaceX, dhe së shpejti edhe pronari i vetë platformës Twitter.

 Në të vërtetë, arsyet janë financiare. Kosto për të mbajtur sistemin e përbërë nga pothuajse 20 mijë satelitë, që ndihmuan shumë ushtrinë e Kievit në lokalizimin e mjeteve ushtarake ruse që më pas u shkatërruan, është tejet i madh, edhe për njeriun më të pasur të botës. Përllogaritet që deri më tani kosto që Musk ka mbuluar nga xhepi i tij tejkalon 80 milionë dollarët.