Pedagogët do të vijojnë protestën, madje pas reagimit që morën nga kryeministri kërkojnë që edhe pedagogët e rretheve ta zhvendosin protestën e tyre në Tiranë, ndërsa presim edhe mbështetje nga studentët e tyre.
Reagimit të kryeministrit për vetting në radhët e pedagogëve, duket se nuk i druhen. Ndërsa e konsideruan reagimin e kryeministrit Rama si shantazh, pedagogët treguan se një formë po shantazhi ka nisur edhe nga ambientet e vetë universiteteve, ndonëse ka dekanë e rektorë që e mbështesin protestën.
Kërkesës për rritje të pagës, dhe përgjigjes së kreut të qeverisë me 7%, ata kanë vendosur t’i përgjigjen me protestë, duke mos e pranuar këtë zgjidhje.
Ndonëse nuk ka kundërshtime në peticion, ka gjithsesi pedagogë që nuk e kanë bojkotuar mësimin.