I kërkuar për vrasjen e policëve në Itali, arrestohet 49-vjeçari në Tiranë

Publikuar më: 3/11/2022, ora 22:09
vlcsnap 2022 11 04 11h50m58s069 1280x720

I kërkuar për vrasjen e policëve në Itali, arrestohet 49-vjeçari në Tiranë

Publikuar më: 3/11/2022, ora 22:09

Një 49-vjeçar nga Tirana, i shumëkërkuar në Itali për vrasje të punonjësve të Policisë është arrestuar mbrëmjen e sotme në Tiranë. Njësia Speciale “Fast Albania”, bazuar dhe në inteligjencën informative, ka organizuar dhe finalizuar operacionin policor të koduar “Dangerous” për kapjen e personave me rrezikshmëri të lartë shoqërore të shpallur në kërkim ndërkombëtar.

Si rezultat i këtij operacioni u bë e mundur kapja dhe arrestimi me qëllim ekstradimi drejt Italisë i shtetasit Ilir Paja, 49 vjeç, banues në Tiranë. Paja ishte shpallur në kërkim ndërkombëtar si person shumë i kërkuar nga autoritetet Italiane pasi Gjykata e Apelit Milano/Itali, e ka dënuar me 25 vjet e 4 muaj burgim për vrasje, kryer në bashkëpunim dhe rrëmbim personi.

Lokalizimi dhe kapja e 49-vjeçarit u bë në Laprakë nga Njësia Speciale “Fast Albania”, në bashkëpunim me Interpol Tirana dhe shërbimet e Komisariatit të Policisë Nr. 3 Tiranë. Interpol Tirana në bashkëpunim me homologët italianë vijon punën për plotësimin e dokumentacionit me qëllim ekstradimin e 49-vjeçarit drejt Italisë.