Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

“Përpjekje për të zbutur tensionet”. Borrell takohet nesër ndarazi me Kurtin dhe Vuçiç në Paris

Nga A2 CNN
10 Nëntor 2022, 15:19 | Kosova
“Përpjekje për të zbutur tensionet”. Borrell takohet

Bashkimi Europian konfirmon se përfaqësuesi i saj i lartë për politikë të jashtme, Josep Borrell, do të takohet nesër në Paris veçmas me liderët e Kosovës dhe Serbisë. Zbutja e tensioneve të fundit do të jetë në fokus, gjithashtu edhe mënyra për të çuar përpara dialogun.

“Në Forumin e Paqes në Paris, nesër Borrell do të takohet ndarazi me kryeministrin e Kosovës, Albin Kurti, dhe presidentin e Serbisë, Aleksandër Vuçiç. Nuk do t’ju them se cili do të jetë mesazhi kryesor, pasi ai do t’ju dorëzohet atyre gjatë takimeve. Por mund t’ju tregoj qëllimin kryesor të këtyre takimeve: ai është vazhdimi i përpjekjeve të Bashkimit Europian për të ndihmuar të dyja palët që të ulin tensionet aktuale dhe që më në fund të arrihet progres në dialogun e lehtësuar nga BE. Ky është synimi kryesor dhe ajo që kemi tentuar të bëjmë së fundmi, veçanërisht me përshkallëzimin e fundit që shpërtheu mes Kosovës dhe Serbisë”, tha Peter Stano, zëdhënësi kryesues i BE-së për Çështje të Jashtme dhe të Sigurisë.

https://a2news.com/2022/11/10/ministri-serb-i-mbrojtjes-jemi-te-afte-per-lufte-por-nuk-duam/

Kurti dhe Vuçiç pritet të takohen në Francë përgjatë punimeve të Forumit të Paqes së Parisit, në një periudhë tensionesh mes te dyja vendeve dhe trysnisë ndërkombëtare për arritjen e një marrëveshje për normalizimin e marrëdhënieve.

Në një video të publikuar në rrjetet sociale mbrëmjen e së mërkurës, Kurti tha se ishte gjithnjë i interesuar për dialogun për marrëveshje, me njohje reciproke në qendër. “Përveç punimeve dhe darkës përgjatë këtij forumi prestigjioz, ndoshta mund të ketë edhe një takim trilateral me presidentin e Serbisë i cili po ashtu është ftuar atje. Jam gjithnjë i gatshëm, i përgatitur, dhe gjithnjë i interesuar, për dialog për marrëveshje, për normalizim të plotë të marrëdhënieve ndërmjet Republikës së Kosovës dhe Serbisë, me njohjen reciproke në qendër”.

Ai tha se janë dy propozime në tryezë: “ai imi për kornizën e përgjithshme të marrëveshjes i prezantuar në takimin e 18 gushtit 2022 në Bruksel, si dhe propozimi franko-gjerman që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne. Dialogu parimor me të tjerët, sundimi i ligjit njësoj për të gjithë,dhe, paqja e siguria në tërë territorin, shkojnë bashkë”.

Më herët, të mërkurën, presidenti serb Aleksandar Vuçiç u tha mediave në Beograd se pret të diskutojë me shefin e Politikës së Jashtme të Bashkimit Evropian Josep Borrell dhe të dërguarin evropian Miroslav Lajçak, por nuk përmendi mundësinë e ndonjë takimi me kryeministrin Kurti.

A2 CNN Livestream

Debat - nga Alba Alishani