“Reja e mbyll me Shqipërinë”, në Itali vendosin dhe trajnerin e ri

Publikuar më: 16/11/2022, ora 11:46
reja 1280x720

“Reja e mbyll me Shqipërinë”, në Itali vendosin dhe trajnerin e ri

Publikuar më: 16/11/2022, ora 11:46

Sportmediaset, në ditën e ndeshjes miqësore Shqipëri-Itali, shkruan se kjo dhe ndeshja miqësore me Armeninë do të jenë të fundit për Edy Reja, në krye të stolit të kombëtares kuqezi.

Sipas medies italiane, ashtu siç ishte thënë edhe javë më parë, 77-vjeçari nuk do ta zgjasë kontratën me Shqipërinë. Dhe në Itali tashmë kanë gjetur edhe zëvendësuesin e tij, i cili do të vijë sërish nga përtej Adriatikut. Ai do të jetë Gigi di Biagio, eksperienca e fundit e të cilit ka qenë me Spalin në vitin 2020.

Karriera si futbollist

Si futbollist, ai u rrit te Lazio me të cilën debutoi si mesfushor me tipare mbrojtëse më 11 qershor 1989, teksa Juventusi fitonte 4-2. Por vetëm kaq, pasi do të shitej te Monza ku do të luante për 3 sezone mes Serie B dhe C1. Në vitin 1992, ai u ngjit sërish në Serie A me skuadrën e Foggia-s, me të cilët luajti për 3 sezone, ku trajner në atë kohë ishte i famshmi Zdeněk Zeman, i cili e ktheu atë në rolin e mesfushorit.

Në vitin 1992 ai u kthye në kategorinë më të lartë me Foggia, duke qëndruar te kuqezinjtë për tri sezone nën drejtimin e trajnerit Zdeněk Zeman, i cili e ktheu atë në rolin e mesfushorit. Më tej, 4 vite me bluzën e Romës. Në verën e vitit 1999, ai u transferua tek Interi, me të cilin luajti për 4 sezone dhe arriti një vend të dytë në Serie A dhe një gjysmëfinale në Champions League. Përplasjet me trajnerin Héctor Cúper e detyruan Di Biagio-n të largohet duke u transferuar te Brescia në verën e vitit 2003. Një sezon më pas, Brescia bie në Serie B, ndërsa Di Biagio kalon tek Ascoli, aty ku në shtator të vitit 2007, ai u detyrua të varte këpucët në gozhdë, pasi pësoi edhe disa dëmtime të njëpasnjëshme.

Me Kombëtaren e Italisë, Luigi Di Biagio ka debutuar në moshën 26-vjeçare, më 28 janar 1998, në fitoren 3-0 të të kaltërve ndaj Sllovakisë, nën drejtimin e Cesare Maldinit. Ai ishte pjesë e Italisë edhe në kampionatin Botëror të 1998-s në Francë, aty ku arriti të shënojë edhe një gol. Megjithatë, ai mbahet mend për penalltinë e humbur ndaj Francës në çerekfinale, e cila eliminoi të kaltrit nga kompeticioni.

Ai e mbylli karrierën me kombëtaren me 31 paraqitje dhe 2 gola.

Karriera si trajner

Më 3 korrik 2008, Luigi Di Biagio ka marrë licencën si trajner, ndërsa më herët kishte drejtuar të rinjtë te Cisco Roma. Më 25 korrik të vitit 2011, ai mori drejtimin e 20-vjeçarëve të Italisë, ndërsa më 2 korrik të vitit 2013, ai zëvendësoi Devis Mangia në drejtimin e Shpresave të Italisë. Suksesi më i madh për të në këtë post ishte Kampionati Europian, aty ku u rendit në vendin e tretë, pasi më herët u eliminua nga Spanja në një humbje 3-1 në gjysmëfinale. Më 5 shkurt, ai përkohësisht mori drejtimin e Kombëtares së kaltër dhe i drejton ata në dy miqësore, ndaj Argjentinës dhe Anglisë.

Më 10 shkurt 2020, Luigi Di Biagio mori drejtimin e SPAL në Serie A, por në fund nuk ishte në gjendje të shmangte rënien e ekipit në Serie B.

Nëse Di Biagio do të zyrtarizohet si pasardhës i Edy Reja-s, do të bëhet italiani i tretë me radhë dhe i katërti në histori që do të drejtojë Kombëtaren. Negociatat kanë nisur prej disa javësh dhe duket se së fundmi ka pasur zhvillime pozitive, duke bërë që palët të arrijnë edhe marrëveshjen në parim.